Flash News

Korçë/ 40-vjeçari hidhet nga ballkoni i katit të pestë, në gjendje kritike

Kroacia rikthen shërbimin e detyrueshëm ushtarak

Ndërtimet pa leje në Theth, Manja kërkon procedim disiplinor për prokuroren Elsa Gjeli

Detaje nga vrasja e Renis Dobrës, autorët erdhën me 2 makina Range Rover nga Rrësheni

Gjykata e Lartë e la në burg, Meta i drejtohet 'Kushtetueses'

Ditari i Opozitës

Protesta për HEC-in në Kaçinar, Gjekmarkaj denoncon dhunën ndaj qytetarit: Policia të nisë menjëherë hetimet

Politiko 10 Korrik 2025, 13:00

Protesta për HEC-in në Kaçinar, Gjekmarkaj denoncon dhunën

Banorët e e fshatrave Simon, Shpërdhazë, Kaçinar, Arrëz, Shtuf dhe Kuzhnen, pjesë e Njësisë Administrative Kaçinar kanë protestuar kundër ndërtimit të 4 HEC-eve që në lumin Shpërdhazë.

Deputeti demokrat Agron Gjekmarkaj në një deklaratë i bën thirrje autoriteteve të pezullojnë koncesionin e hidrocentraleve në Kaçinar.

“Ky projekt përbën një kërcënim serioz për jetën dhe mirëqenien e komunitetit, pasi uji i lumit është i pamjaftueshëm për të përballuar njëkohësisht nevojat për ujë të pijshëm, ujitje dhe prodhim energjie. Zbatimi i këtij projekti do të sillte pasoja të parikuperueshme mjedisore dhe sociale, përfshirë tharjen e burimeve ujore dhe shpopullimin e zonës.

Sipas banorëve dhe dokumentacionit të paraqitur, kontrata koncesionare është shoqëruar me shkelje të shumta të legjislacionit në fuqi, mungesë transparence dhe mungesë të konsultimeve me komunitetin, në të gjitha fazat e saj. Për më tepër, kompania koncesionare, përtej të gjitha afateve ligjore dhe kontraktuale dhe pas skadimit të lejeve mjedisore dhe ujore, nuk ka kryer asnjë punim për më shumë se një dekadë. Vetëm së fundmi, pas një zgjatjeje të dyshimtë të lejes së ndërtimit, është nisur puna përgatitore në terren, në mungesë të çdo transparence”, shkruan Gjekmarkaj.

Deputeti demokrat ka denoncuar dhunën që është ushtruar ndaj njërit prej banorëve të zonës, i cili ka protestuar. Gjekmarkaj ka ndarë disa foto në Facebook ku shfaqet qytetar qytetari me plagë në kokë dhe në krah.

"Situata ka arritur një kulm të papranueshëm: përfaqësues të kompanisë kanë ushtruar dhunë fizike ndaj z. Kol Ndoji, banor i zonës, duke i shkaktuar dëmtime serioze trupore dhe duke e dërguar atë në spital. Ngjarja ka ndodhur në qendër të qytetit të Rrëshenit, në afërsi të stacionit të policisë, një fakt që ngre shqetësime të mëdha për funksionimin e shtetit ligjor", përfundon Gjekmarkaj.