Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Protesta për TK/ Prokuroria kërkon pushimin e çështjes për ish-deputeten dhe gazetarin Alfred Lela, Caka: Filmimet janë aty

Politiko 18 Shkurt 2021, 11:23

 

Protesta për TK/ Prokuroria kërkon pushimin e çështjes
Momenti i shoqërimit të Cakës dhe Lelës

Ish-deputetja Silva Caka ka bërë me dije se Prokuroria e Tiranës ka kërkuar pushimin e çështjes që lidhet me shoqërimin e Cakës, gazetarit Alfred Lela dhe disa personave të tjerë, ditën e shembjes së Teatrit Kombëtar.

Ajo thotë se Prokuroria e shoqëron këtë kërkesë me arsyetimin për mungesë provash. Caka ka sjellë në vëmendje momentin e arrestimit të saj dhe Lelës, ku shihet se efektivët e policisë i kanë marrë me forcë.

Sipas saj, organi i akuzës ka thirrur për të dëshmuar vetëm punonjësit e policisë dhe jo të dëmtuarit. Përmes një postimi në profilin zyrtar, Caka tregon se efektivët kishin "futur" njerëz për të mbyllur procesin me argumentin se ishin braktisur nga eprorët e tyre.

"Çfarë provash kërkon më shumë Prokuroria, kur filmimet janë aty dhe tregojnë arbitraritetin e veprimeve, si në momentin e kapjes, ashtu edhe gjatë shoqërimit? Çfarë provash kërkon më shumë prokuroria kur ekziston një raport mjeko-ligjor, i cili paraqet dëmtime mbi 9 ditë?

A i kërkoi të gjitha provat Prokuroria, pasi nga shqyrtimi i kërkesës për pushimin e çështjes, më rezulton se Prokuroria ka thirrur për marrje në pyetje vetëm njërën palë, vetëm efektivët e Policisë, të cilët për asnjë arsye në botë nuk do t'a 'lëshonin' njëri-tjetrin?

Pse Prokuroria nuk ka kërkuar të dëgjojë dëshminë e Alfred Lelës, i cili u masakrua nga dhuna policore?  Pse Prokuroria nuk ka kërkuar të marrë dëshminë e 2 djemve, që u shoqëruan dhe dhunuan vetëm pse hynë për të ndaluar shoqërimin tim të padrejtë?

Pse Prokuroria nuk ka thirrur për dëshmitar okular bashkëshortin tim, i cili ishte dëshmitar i dhunës së ushtruar në makinën e Policisë? Si është e mundur që Prokuroria nuk pasqyron në procesverbalet e përballjes mes palëve përpara OPGJ-së, kërkesën për falje të efektiveve të Policisë? Pse kërkon falje dikush që nuk ka bërë asnjë faj?-", shkruan Caka.

Kjo e fundit shprehet e vendosur për ta vazhduar deri në fund betejën ligjore lidhur me këtë çështje, ndërsa thekson se besimi te drejtësia ka marrë fund.

Ish-deputetja i ka bërë thirrje gjykatës për objektivitet në gjykim.

Të fundit