Flash News

Aksioni në Theth, banori mes lotësh: Kam ndërtuar në tokën time me shpenzimet e jetës, shteti të mos i prishë

Drejtorët në shënjestër! Pas Fierit dhe Durrësit, Rama mbërrin në Elbasan

Emri/ Identifikohet 23-vjeçari që u gjet i pajetë pranë liqenit të Shkopetit

Aksioni i IKM-së në Theth, banorët dalin në protestë

U denoncua i zhdukur nga i ati, 23-vjeçari gjendet i pajetë pranë liqenit të Shkopetit

Ditari i Opozitës

Pse zgjodhi 18 Dhjetorin për të thirrur Kuvendin/ Basha: Kryesia ka vepruar në përputhje me statutin

Politiko 7 Dhjetor 2021, 15:25

Pse zgjodhi 18 Dhjetorin për të thirrur Kuvendin/ Basha: Kryesia ka

Kreu i opozitës Lulzim Basha sqaroi se pse zgjodhi datën 18 Dhjetor, për të thirrur Kuvendin e Partisë Demokratike.

Në një intervistë për News 24, Basha tha se Kuvendi duhet të thirret 30 ditë pasi është bërë njoftimi për mbledhjen e tij, dhe sikurse theksoi kreu i demokratëve, ai ka respektuar afatin.

“Ka disa përcaktime partia mbi të cilat funksionon dhe ka disa arsye për këto përcaktime. Dhe Kuvendi Kombëtar njoftohet gjithmonë 30 ditë përpara organizimit të tij. Dhe kryesia e Partisë Demokratike, në përputhje me statutin e Partisë Demokratike, me këto përcaktime, ka vepruar në këtë mënyrë. Më 15 nëntor është mbledhur Kryesia, dhe siç është raportuar tashmë, me një shumicë dërrmuese ka vendosur për mbajtjen e Kuvendit Kombëtar të Partisë Demokratike në datën 18 dhjetor, ora 11, në Pallatin e Kongreseve”, u shpreh Basha.

I pyetur nëse mund ta thërriste para datës 11 Dhjetor, kur ish-kryeministri Sali Berisha mban Kuvendin, Basha tha se një Kuvend mund të quhej i stabilizimit nëse do të ishte si ai i 17 Korrikut, që përcaktoi drejtimin dhe shtrirjen e partisë.

“Shiko, ne patëm një Kuvend në datën 17 korrik. Një Kuvend do ta quaja të stabilizimit pas masakrës zgjedhore dhe të përcaktimit të një rruge drejt të cilës do të niste organizimi i partisë, shtrirja e aksionit opozitar, sigurisht të drejtuar nga Partia Demokratike në të gjithë damarët e shoqërisë shqiptare dhe ngritja e një vale opozitare në përballje me regjimin e Edi Ramës. Mund ta keni të qartë që në shtator, ky plan pune nisi të zbatohet me depozitimet që grupi parlamentar bëri në Kuvendin e Shqipërisë. 3 Komisione Hetimore për inceneratorët, për masakrën zgjedhore, për aferën Bechetti, propozime për ndryshimet Kushtetuese, ku përfshihet Reforma Zgjedhore, përfshihet Vettingu i politikanëve, ndarja e politikës nga krimi. Përfshihet reforma territoriale. Gjëra që kanë të bëjnë me ditën e shqiptarit, me bukën e shqiptarit dhe me familjen shqiptare: Ulja e TVSH-së nga 20 në 6% për shportën ushqimore”, tha Basha.

Të fundit