Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"Qeveria do mbyllë gropën e keqmenaxhimit duke marrë borxh", PD tregon si preken qytetarët nga kriza energjitike

Politiko 17 Tetor 2021, 12:24

"Qeveria do mbyllë gropën e keqmenaxhimit duke marrë

Partia Demokratike vazhdon me akuzat se emergjenca energjitike nuk është krizë, por keqmenaxhim nga ana e qeverisë. Sekretari për klimën e biznesit Flamur Hoxha deklaroi se qeveria ka shpërdoruar 40 milionë euro nga taksat e qytetarëve dhe për të mbyllur "gropën" do të marrë borxh.

"E kemi bërë këtë duke treguar se si ndërkohë që qeveria flet për krizë, ka shpërdoruar 40 milionë euro nga taksat e qytetarëve. Po ashtu kemi treguar se si me dritëshkurtësinë dhe menaxhimin skandaloz të eksporteve të energjisë, shkurtuan rezervat ujore, në atë që ekspertët cilësojnë si viti më i mirë historik, duke hapur një pjesë të madhe të  gropës që do të mbyllet duke marrë borxh 200 milionë euro", tha ai për mediat.

Hoxha shtoi se pavarësisht se nuk do të ketë rritje të çmimit të energjisë për familjet, këta të fundit do ta përjetojnë përmes rritjes së çmimit të produkteve dhe duke paguar për borxhin publik.

"Dhe nëse deri tani qeveria pohon se nuk do të ketë rritje të çmimeve për konsumatorin familjar, që gjithsesi do ta paguajë nëpërmjet borxhit të rritur publik, qeveria i ka hapur rrugë rritjes së çmimeve për sipërmarrësit e mesëm e të mëdhenj.

Fatkeqësisht, edhe në këtë rast, fatura do t’u shkojë përsëri qytetarëve sepse shtrenjtimi i energjisë elektrike do të përkthehet në rritje të çmimeve të produkteve apo shërbimeve që ata konsumojnë, e në rastin më të keq edhe në falimentim të bizneseve, duke rritur edhe më tej papunësinë", deklaroi Sekretari për klimën e biznesit. 

Ai nënvizoi se pritet përkeqësim i gjendjes ekonomike dhe se dëmtohën si familjet dhe bizneset. Hoxha tha se qeveria nuk heq dorë nga PPP-të, korrupsioni dhe keqmenaxhimi që po i marrin frymën ekonomisë shqiptare.

 

Të fundit