Qeveria ‘justifikoi’ makinën luksoze të Ramës, Nishani: Po Partia Demokratike, pse hesht?

Në mesin e zhvillimeve të ditës së djeshme, pas betimit të qeverisë “Rama 3” para presidentit Ilir Meta vëmendjen e mori makina luksoze e kryeministrit Edi Rama. Në media u përfol se çmimi i makinës tip "GMC Custom Luxury Vehicle", arrinte deri në 500 mijë dollarë.

Për këtë ka regjur edhe ish-kreu i Këshillit Kombëtar të demokratëve, Bujar Nishani. Në një postim në Facebook, Nishani ‘sulmon’ opozitën për heshtjen kundrejt skandalit të kryeministrit Edi Rama, sikurse e konsideron ai.

Nishani thekson se “opozitarizmi, denoncimi i aferave qeveritare, përballja me të keqen nuk është më as monopol e as peng i Kryetarit Peng në selinë e PD.”

“Një gazetare e pakapur, denoncoi Edi Ramën se përdorte prej muajsh një makinë ultra luksoze që sipas medias kushtonte 500 mijë euro (gjysëm milioni pra). Vetëm pas denoncimit të medias, qeveria tentoi të justifikohet se makinën e ka marrë Partia Socialiste me qera !!!! Ky është një skandal (i rradhës kuptohet) që ngado ta kapësh të bën pis ! Por selia e Partisë Demokratike pse hesht ! Ka frikë ? Nuk e quan të rëndësishme ? Nuk ka dëgjuar e parë gjë ? Apo ?” shkruan Nishani në Facebook.

Postimi i plotë:

Një skandal tjetër i qeverisë së skandaleve !

Baza e skandalit hajnia dhe mashtrimi !

Një gazetare e pakapur, denoncoi Edi Ramën se përdorte prej muajsh një makinë ultra luksoze që sipas medias kushtonte 500 mijë euro (gjysëm milioni pra).

Vetëm pas denoncimit të medias, qeveria tentoi të justifikohet se makinën e ka marrë Partia Socialiste me qera !!!!

Ky është një skandal (i rradhës kuptohet) që ngado ta kapësh të bën pis !

Por selia e Partisë Demokratike pse hesht !

Ka frikë ? Nuk e quan të rëndësishme ? Nuk ka dëgjuar e parë gjë ? Apo ? ……..

Gjithsesi opozitarizmi, denoncimi i aferave qeveritare, përballja me të keqen nuk është më as monopol e as peng i Kryetarit Peng në selinë e PD.

Kryeministri i vendit nuk mundet të marrë e as të përdorë makina nga Partia Socialiste !

Në zyrën e qeverisë e në aktivitetin qeveritar Edi Rama është Kryeministri edhe i shqiptarëve kundërshtarë politik të Partisë Socialiste.

Në punët si kryetar i saj, ai mund të përdorë çdo gjë të PS. Zyra, makina, njerëz, të partisë.

Jo në Qeveri e jo në qeverisje !

Meqenëse PS e mori përsipër ta mbulojë skandalin e Edi Ramës, duhej që tu tregonte shqiptarëve se sa kushton qeraja e paguar, të bënte publike kontratën e nënshkruar, të nxirrte transaksionin e thesarit të shtetit për pagesën e realizuar, të sqaronte burimin e parave që partia ka shfrytëzuar, etj.,,,etj.,,,

Por natyrisht që këto nuk i bën dot, pasi thjesht mashtrojnë, gënjejnë, manipuloinë !

Imagjinoni një Kryeministër i zhytur në skandale, një parti në pushtet që fsheh skandalin me mashtrim dhe një opozitë zyrtare që hesht kokulur !

Çfarë duhet bërë ?