Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"Rama abuzon me paranë publike", PD publikon faturën: 400 mln € për inceneratorët

Politiko 11 Tetor 2020, 11:39

"Rama abuzon me paranë publike", PD publikon faturën: 400

Ish-deputetja e Partisë Demokratike Jorida Tabaku ka publikuar faturën totale të pagesave që shkojnë për inceneratorët. Këta të fundit "po përfitojnë 400 milionë euro nga taksat e qytetarëve shqiptarë", shkruan Tabaku në Facebook, ndërsa akuzon kryeministrin Edi Rama se në kundërshtim me ligjin po abuzon me paranë publike.

"Inceneratorët po i marrin shqiptarëve 400 mln euro nga xhepi. Të gjitha projektet PPP të implementuar nga Rama janë kriminale dhe vjedhje e hapur e taksave të shqiptarëve. Por vjedhja dhe abuzimi më i madh janë 3 PPP-të e inceneratorëve. Qeveria Rama shkeli mbi 10 procedura ligjore në dhjetor 2016 kur i dhuroi një kompanie të themeluar gjashtë muaj përpara për t’i dhënë inceneratorin e Elbasanit. Të njëjtën skemë ndoqi edhe për inceneratorin e Fierit dhe së fundmi edhe për inceneratorin e Tiranës.Të tre këto inceneratorë do të paguhen nga taksat e shqiptarëve dhe vlera përfundimtare e faturës së tyre është 400 mln euro. 79 milionë euro janë paguar në total dhe nuk ka fillkuar akoma puna."

Sipas Tabakut, Bashkia e Tiranës me anë të vendimi të Këshillit Bashkiak rriti me 35% tarifën e pastrimit për bizneset dhe qytetarët. Për Partinë Demokratike kjo rritje synon shtimin e përifitimeve për Inceneratorin e Tiranës.

"Bashkia e Tiranës ka rritur mbi 35% tarifën e pastrimit. Qytetarët e Tiranës paguajnë më shumë tarifë pastrimi, bizneset në Tiranë paguajnë më shumë tarifë pastrimi por qytetarët e Durrësit u mbushën nga plehrat pikërisht që inceneratori i Tiranës të menaxhojë mbetjet e tyre. Ndërsa Durrësin e mbysin në plehra dhe Tiranën në taksa, inceneratori i Fierit ka marrë deri më sot 24 mln euro (2 mln euro më shumë se kontrata fillestare). Sipas kompanisë që fitoi PPP-në, godina e inceneratorit duhet të përfundonte në shtator 2019. Një vit e pak pas kësaj date godina nuk ka përfunduar dhe dyshja Ahmetaj-Mëritiri, nën bekimin e bashkëpronarit tjetër Rama, vazhdojnë e marrin taksat e shqiptarëve për një punë të pakryer. E fundit, por jo për nga rëndësia; deri më sot asnjë zyrtar i lartë nuk ka mbajtur përgjegjësi për vjedhjen dhe abuzimin me 400 mln euro të inceneratorëve."

Tabaku thekson se 25 Prilli është një mundësi për të çuar përpara drejtësisë këdo që është përfshirë në vjedhjen që i është bërë Buxhetit të Shtetit.