Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

“Rama del e jep mend, e turpshme”, Boçi: SPAK të hetojë kryeministrin

Politiko 12 Mars 2026, 15:38

“Rama del e jep mend, e turpshme”, Boçi: SPAK të

Deputeti i PD, Luçiano Boçi, komentoi në “News 24” edhe hetimet që ka bërë SPAK dhe nëse drejtësia duhet konsideruar një aleat nga opozita.

Ai tha se Prokuroria duhet ta kishte kërkuar që në fillim heqjen e imunitetit të Belinda Ballukut, që mazhoranca mos ta zvarriste për tre muaj çështjen dhe sugjeroi që organi i akuzës të shkonte deri tek hetimi i kryeministrit Edi Rama, pasi ai kishte më shumë mesazhe se Balluku në dosje.

Boçi shprehu vlerësime për punën e drejtësisë dhe SPAK-ut deri tani, duke deklaruar se gëzon mbështetjen e PD-së dhe nënvizoi se opozita duhet ta shfrytëzojë edhe situatën dhe rezultatet e drejtësisë.

“E vlerësojmë punën e SPAK, patjetër, por brenda edhe kritikave për të qenë konseguencë. PD ka shprehur brenda kritikave edhe mbështetje dhe përkrahje. Por që ta trajtojmë SPAK si partner politik i bën dëm SPAK-ut dhe jo ne. Do duket sikur SPAK është përfshirë politikisht dhe kjo nuk duhet të ndodh sipas nesh. SPAK duhet të ndjekë procedurat e saj ligjore dhe në mënyrë të barabartë. Por mendoj se SPAK duhet ta kishte thirrur prej kohësh Ramën për hetime. Madje edhe imunitetin e Ballukut duhet ta kishte kërkuar që në fillim në parlament dhe jo pas një debati shterp dhe pa vlerë, zvarritjeve prej tre muajsh, jo në Kushtetuese, jo në Këshill. Pra SPAK duhet ta kishte kërkuar që në fillim imunitetin”, tha ai.

Më tej ligjvënësi demokrat akuzoi kryeministrin si të implikuar direkt në aferat e dosjes “Balluku” dhe AKSHI, ndaj kërkoi që drejtësia ta thërriste dhe hetonte. “Ai është më i korruptuari dhe ka mesazhe më shumë se Balluku në dosje”, u shpreh ai.

“Rama e ka treguar edhe vetë se po pengon drejtësinë, ka pranuar publikisht edhe se ka ndikuar në tenderime për biznesmenë të caktuar, atëherë SPAK të veprojë, le ta thërrasë. Më 16 mijë faqe Rama del më shumë sesa Balluku në dosje, pa përmendur AKSHI-n ku është me gjithë filmime dhe biseda. Ndaj SPAK të dalë dhe të thotë se çfarë ka ndodhur, pa prekur sekretin hetimor. Rama po përpiqet të shesë gënjeshtrën për të vërtetë, del aty dhe jep mend në mënyrë të turpshme. Ai është më i korruptuari. SPAK ta trajtojë dhe zbatojë ligjin në mënyrë të barabartë për të gjithë. SPAK ka mënyra të tjera, nëse do të ringrihet sepse është sulmuar, le të hetojë kryeministrin. I ka të gjitha mekanizmat”, vijoi deputeti.

Por për Boçin kjo që ndodhi me skandalin Balluku nuk ishte kulmi, sepse ai do të vijë me kryeministrin Rama dhe aferat ku është përfshirë, që i ka pranuar indirekt edhe publikisht.

“Ne themi se me Ballukun sot është kulmi, jo mo jo, kulmi do jetë me atë, me Ramën, kur të dalin mesazhet dhe filmimet. Opozita duhet ta shfrytëzojë atë që po bën drejtësia”, u shpreh deputeti demokrat.