Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"Rama në dy hetime ndërkombëtare", Berisha: Balancat në favor të njeriut që njihet si fatkeqësia e Tiranës

Politiko 3 Tetor 2022, 18:05

"Rama në dy hetime ndërkombëtare", Berisha: Balancat

Kreu i PD, Sali Berisha është pyetur nga gazetarët të komentojë konfirmimin e Erion Veliajt nga Edi Rama si kandidati i Bashkisë së Tiranës edhe për zgjedhjet e 2023.

Duke folur për mediat pas seancës parlamentare, Berisha tha se balancat janë spostuar në favor Veliajt, të cilin e cilësoi si ‘fatkeqësia më e madhe e Tiranës’, pasi Rama nisi betejën për kullat në kryeqytet.

“Pyetja është kush e konfirmoi shokun, Veliaj - Ramën apo Rama Veliajn.

Po e shihni se Rama është në dy hetime ndërkombëtare, kjo është e vërteta. Njëri nuk di për fatin e tij, tjetri është në vazhdim e sipër, Di që në këtë mes nuk besoj se Rama konfirmoi Veliaj.

E vërteta është që mbetet Rama të konfirmohet nga Veliaj. Le të kthehemi pak te beteja që nisi. Promovoi Ballukun si zgjedhjen e tij. Ballukun e degdisi në Dibër, Veliaj. Nuk ishte Rama që e çoi. Rama e solli për Tiranën, Ballukun.

Nisi betejën me kullat, Veliaj i tha vazhdo se katet janë të tuat dhe unë do i nxjerr. Se te kullat Rama ka fjalën finale dhe u garantoj ju se, ajo ç’ka në pamje të parë e konsideruat në një betejë kundër Veliajt, Veliaj e kthej në një betejë kundër Ramës. Pra mund të ju them se balancat janë spostuar në favor të një njeriu që është në kohëra, fatkeqësia më e madhe e qytetit të Tiranës”, tha Berisha.

I pyetur nese opozita është vonë për zbardhjen e emrave të kandidatëve, Berisha tha se ata do të përcaktohen nga qytetarët përmes primareve.

“Opozita nuk i emëron Rama kandidatët, por i zgjedh nga qytetarët. Ne miratuam procedurën e përzgjedhjes së kandidatëve me primaret. Shënuam një hap të madh para, duke njohur të drejtën simpatizantëve për votime. Sjellim risi në këto zgjedhje. Ne nuk na i cakton droga, krimi, por qytetarët.

Po vazhdojmë konsultimet me aleatët për caktimin e formave dhe daljet të një gare të suksesshme.

Janë të gjithë spektri politik i djathtë. Parti parlamentare dhe joparlamentare. Do kemi një koalicion të gjerë”, u shpreh Berisha.

 

Të fundit