Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Rama sfidon BE-në për Ballukun, Berisha: Vendimi i tij shuan drejtësinë dhe thellon krizën

Politiko 30 Mars 2026, 14:39

Rama sfidon BE-në për Ballukun, Berisha: Vendimi i tij shuan

Kreu i Partisë Demokratike, Sali Berisha, ka ashpërsuar tonet ndaj kryeministrit Edi Rama gjatë një takimi me drejtues dhe koordinatorë politikë të PD-së, duke e akuzuar për kapje të plotë të pushtetit dhe sfidim të hapur ndaj Bashkimit Europian.

Në një njoftim për shtyp, Berisha e cilësoi momentin si “kritik” për vendin, duke theksuar se vendimet e fundit të qeverisë po çojnë drejt një përkeqësimi të situatës politike dhe institucionale.

Sipas tij, ndërhyrja e Ramës për të mbrojtur zëvendëskryeministren Belinda Balluku përbën një rast të paprecedent, ku pushteti ekzekutiv përdoret për të “shumëzuar me zero” sistemin e drejtësisë dhe për të përqendruar të gjitha pushtetet në një dorë.

Berisha deklaroi se me këtë vendim, Rama ka injoruar hapur qëndrimet e Komisioni Europian dhe vendeve anëtare të BE-së. “Me këtë akt, ai u ka thënë vendeve të BE-së se nuk pyet për to”, u shpreh lideri i opozitës.

Ai shtoi se opozita përballet tashmë me një “regjim autokratik”, ndërsa theksoi se Partia Demokratike mbetet, sipas tij, e vetmja shpresë për shqiptarët.

Në vijim, Berisha hodhi akuza të forta edhe për marrëdhënien mes Ramës dhe Ballukut, duke pretenduar ndikim të drejtpërdrejtë të kësaj të fundit në vendimmarrje, përfshirë emërimet në qeveri dhe institucione të rëndësishme.

pjese nga fjala

Mirëdita dhe përshëndetje!
Thirra këtë takim me drejtuesit politikë, koordinatorët, në një moment jashtëzakonisht të rëndësishëm për vendin, por edhe PD, sigurisht.
Momenti për vendin është kritik dhe në kursin që ka ndërmarrë Edi Rama, nuk mund të ketë asgjë tjetër, përveç se një përkeqësimi gjithnjë e më të madh.
Kjo sepse, akti i tij për të përdorur pushtetin ekzekutiv, për të mbrojtur vjedhjet, korrupsionin e tij, përbën një rast unik, ekstrem në historinë e një vendi pluralist.
Është një akt i pandodhur. Është një akt me të cilin Edi Rama defakto, po të përdorim një term për ta kuptuar njerëzit, shumëzon me zero pushtetin e drejtësisë dhe merr në dorë haptas, para gjithë shqiptarëve, të gjitha pushtetet.
Pra, sot opozita shqiptare përballet me një regjim, kreu i të cilit publikisht guxoi dhe mori në dorë edhe pjesën më të vogël të pushtetit.
Thashë dhe njëherë, pas këtij vendimi duhet ta kemi shumë të qartë se, Edi Rama është i gatshëm të marrë çdo vendim tjetër. Nuk ka asnjë pengesë, nuk ka dhe nuk mund të ketë asnjë pengesë në marrjen e vendimeve të tjera.
Ju e keni të qartë se ky vendim u mor pas një kundërshtie të plotë të Komisionit Europian dhe vendeve kryesore anëtare të BE-së, të cilave Edi Rama me vendimin e tij, u tha për të mos thënë fjalën shqipe ‘plaç’ u tha ‘unë nuk pyes për ju’. Kjo është e vërteta.
Pse po ndalem në këtë moment?
Ky moment është jashtëzakonisht i rëndësishëm të realizohet nga PD, sepse tani në fushë është vetëm ajo.
Shpresat e mbarë shqiptarëve janë vetëm tek PD. Autokracia këtu është e plotë, diktatura autoritare është e plotë. Nuk ka më asnjë lloj hapësire apo mëdyshje. Jo.
Këto veprime u kryen haptas, u kryen sepse ai vetë personalisht është më shumë se Belinda i implikuar. Ka 25 vite që vjedh së bashku me Belindën dhe tani në fund ajo ja doli ta paraqesë para shqiptarëve dhe botës si një skllav të saj.
Ju e shihni se, si ajo dikton tani çdo emërim të ministrave, zv/ministrave, drejtorit të policisë etj., me radhë. Sepse pengu nuk është Rama që kkontrollon Lubinë, por është Lubia që kontrollon Ramën.
Të jemi të sigurtë për këtë.

ZYRA E MEDIAS DHE KOMUNIKIMIT, PARTIA DEMOKRATIKE