Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Raportimi i krerëve të drejtësisë në Kuvend, Lela: Performancë për notën 4

Politiko 28 Tetor 2025, 15:38

Raportimi i krerëve të drejtësisë në Kuvend, Lela:

Drejtori i Komunikimit në Partinë Demokratike, Alfred Lela, komentoi përballjen e kreut të SPAK, Altin Dumani, me deputetët e opozitës në Kuvend, ku palët treguan performanca të kundërta.

Ndërsa opozita u vlerësua për një paraqitje të fortë, kreu i Prokurorisë së Posaçme la përshtypjen e një zyrtari në siklet dhe jashtë zonës së tij të komfortit.

Sipas Lelës, ishte këmbëngulja e opozitës që siguroi një përballje të drejtpërdrejtë, duke tejkaluar propozimin fillestar që pyetjet vetëm të lexoheshin pa koment. Kompromisi i arritur i dha mundësinë çdo deputeti të bënte një koment dy-minutësh, duke i dhënë seancës një dinamikë të re.

Lela: Opozita funksionon në një parlament funksional dhe parlamenti kryen detyrën, funksionin, rolin e vet kur lihet të kryejë, të kryejë këtë rol.

Sigurisht ka qenë, duke ditur dhe se ç'ka ndodhur në pjesën më të madhe, ka qenë këmbëngulja e opozitës, sepse ju e patë në, në, në fillim gjithë atë debatin që u bë që pyetjet të lexoheshin dhe opozita të mos kishte zë, pra të kishte vetëm letër, stilolaps dhe t'ia paraqiste zotit Dumani pyetje, por u arrit në, në kompromisin që pyetjet të lexoheshin, por t'i jepej mundësi çdo deputeti pyetës të opozitës që të bënte edhe një koment dy minutësh mbi, mbi pyetjet.

Kështu që ishte hera e parë në këtë legjislaturë që opozita e shpalosi repertorin e vet opozitar, ashtu siç edhe duhet, siç edhe i ka hije rolit të rolit të saj në, në demokraci.

Kjo ishte A-ja. B-ja, për të kaluar, pra performanca, unë do të thoja shumë e mirë e bllokut opozitar dje, me shumë pak ose aspak ujë dhe ajo që pamë për zotin Dumani nuk ka nevojë për shumë koment.

Unë nuk e di se çfarë ka në, po themi, në, në, në arsyet, pra nuk, unë mund t'i hamendësoj, por nuk e di me siguri çfarë ka në, në arsyet e performancës së tij, së pari, po themi, verbale ose gjuhës së, gjuhës së trupit. Ka një gjë të çuditshme që nuk, nuk ka nevojë për shumë ekspertizë për të qenë ndonjë ekspert i madh i gjuhës së trupit apo i komunikimit publik, për të kuptuar që ka diçka tek zoti Dumani, një lloj parahatie, një, një siklet.

Dhe kjo dukej edhe tek leximi i pyetjeve, që një pjesë i harronte, edhe tek fjalët që ja hante gjuha, edhe tek gjuha që ja kafshonte ndërgjegjja, po themi, kështu në, metaforikisht. Kishte një gjë që e bënte zotin Dumani të ndihej, të ishte, të performonte jashtë habitatit, jashtë rehatisë, jashtë, jashtë qenies.

Sigurisht ne mund të diskutojmë këtu për arsyet, unë mendoj, unë mendoj që janë disa, por do të thoja që në përballjen opozitë-Dumani ishte, ishte e qartë, performanca me nota shumë të larta e opozitës dhe me nota afër katrës, mund të thuhet katra si notë e keqe, për, për zotin Dumani.