Flash News

I riu denoncoi gjendjen skandaloze të rrugës, dy zyrtarët e PS e dhunojnë (VIDEO)

Ekzekutohet me armë zjarri roja i një objekti në Vlorë

Berisha pritet me entuziazëm nga qytetarët në Pogradec

Aksidentohet autobusi i ekipit të volejbollit të Korçës, tre vajza përfunojnë në spital

Funerali i Papa Françeskut bën bashkë Trump dhe Zelenskyy, ja ç'biseduan

Ditari i Opozitës

Rasti Beleri, Spaho: Parlamenti Evropian do ta detyrojë Shqipërinë të tërhiqet

Politiko 13 Qershor 2024, 10:45

Rasti Beleri, Spaho: Parlamenti Evropian do ta detyrojë

Deputeti demokrat Edmond Spaho tha se parlamenti i Shqipërisë është kthyer në një paradhomë të Partisë Socialiste, ku vendimet merren nga mazhoranca pa respektuar ligjet

I ftuar në “Kafe Shqeto” në Syri TV, Spaho iu referua seancës së djeshme e cila nuk u mbajt të enjten sikurse e përcakton rregullorja, por të mërkurën për shkak se shumica e deputetëve do të udhëtojnë drejt Gjermanisë për të ndjekur kampionatin evropian.

Referuar rastit të Fredi Belerit, Spaho tha se Parlamenti Evropian do ta detyrojë Shqipërinë të tërhiqet dhe të lirojë Belerin.

“Të ishte vetëm ky rast, do t’ia bënim hallall, por ky Kuvend prej tre vjetësh sillet në këtë formë. Është kthyer si një paradhomë e PS-së, ku vendimet merren në kundërshtim me Kushtetutën, me legjislacionin dhe rregulloren e Kuvendit.

Në mënyrë arrogante, pa përfillur pjesën tjetër, opozitën, rasti i djeshëm ishte një nga shumë rastet, ndoshta jo më sinjifikativi, por mund të sjell në vëmendjen tuaj qëndrimet që mbahen ndaj zotit Berisha.

Prej shumë e shumë muajsh, ku mazhoranca i jep atribute vetes për të përcaktuar se kush është deputet dhe kush nuk është, në një kohë që është vullneti i zgjedhësve që ai që përcakton se kush do të jetë deputet.

Njëkohësisht e konsideron atë si të dënuar, në një kohë që jo vetëm në legjislacionin ndërkombëtar, por edhe në legjislacionin tonë, prezumimi i pafajësisë është një nga elementet  thelbësorë dhe nuk mund ta pengosh deputetin të ushtrojë një nga funksionet e tij që ia jep mandati i deputetit, sa kohë nuk ka një vendim të formës së prerë.

Ju do të shikoni shpejt rastin e eurodeputetit Fredi Beleri, ku Parlamenti Evropian do ta detyrojë Shqipërinë të tërhiqet, do ta lejojë të betohet dhe njëkohësisht, pavarësisht nëse do ta dënojnë apo jo, do të shkojë në Strasburg dhe Bruksel që të ushtrojë funksionet e tij sepse kështu është ligji ndërkombëtar”, tha Spaho. 

Të fundit