Rezoluta për gjenocidin serb, Shehu: Po shkelet rëndë rregullorja, të mblidhet sonte Konferenca e Kryetarëve

Deputeti i PD, Tritan Shehu ka mbajtur një qëndrim kritik pasi nuk është miratuar për të hyrë në rendin e ditës në Kuvend kërkesa e disa deputetëve për mocion debat për të dënuar gjenocidin serb në Kosovë.

Duke iu drejtuar nënkryetares së kuvendit, Ermonela Felajt në seancën plenare, Shehu tha se po shkelet rëndë rregullorja dhe kërkoi që të mblidhet që sonte Konferenca e Kryetarëve për ta shqyrtuar.

Shehu: Ka një problem të rëndë procedural që lidhet me mosrespektimin e rregullores.

Prej disa ditësh një grup deputetësh kanë depozituar kërkesën për mocion debat për të dënuar gjenocidin serb në Kosovë. Nuk ka asnjë përgjigje nga ju, nuk është bërë as konferenca e kryetarëve, brenda tre ditësh duhet të ishte mbledhur sipas rregulloreve. Nëse kryetari nuk është e zëvendësoni ju për të zbatuar rregulloren.

Kemi shkelje shumë të rëndë te rregullores që lidhur me elementë të tjerë politikë brenda saj. Sonte të mblidhet konferencës së kryetarëve te vendoset për rezolutës dhe njohjes së gjenocidin serb në Kosovës se është ceshtje shumë sensibël.

Për këtë ceshtje edhe Alibeaj ka paraqitur kërkesë edhe Alibeaj, nuk ka asnjë gjë të keq, sa më shumë të merren masa aq më mirë është. I kërkoj atyre që kanë kërkuar këtë rezolutë të ngrejnë edhe ata zërin, të protestojnë, të bërtasë për një shkelje kaq të rëndë të rregullores e mos të rrimë si fija e barit në heshtje para presionit qeveritarë. Është e patolerueshme që shkelet rregullorja.

Felaj: Konferenca kryetarëve dhe trajtimi i mocioneve të caktuara është targër i kryetares së kuvendit dhe jo i zv.kryetares së kuvendit. Kryetari e thërret Konferencën e Kryetarëve sipas rregullores. Nikolla edhe javën e kaluar edhe sot ndodhet në Vatikan.