Rindërtimi/ Basha: Nuk u mor seriozisht, qeveria e përdori situatën për dy arsye

Një vit pas tërmetit të fuqishëm të 26 nëntorit, kryedemokrati Lulzim Basha ka folur për procesin e rindërtimit. Ai tha se procesi nuk u mor seriozisht, por u pa si mundësi për propagandë dhe abuzim fondesh.

Basha tha se që në krye të herës ka kërkuar transparencë, por ende nuk ka asnjë reagim nga institucionet e drejtësisë.

"Në asnjë moment opozita nuk ka qëndruar pa kërkuar transparencë. Unë nuk dua të ndërtoj mbi fatkeqësinë. Opozita e ka cuar kërkesën e saj në Prokurori për transparencë dhe për vënien para drejtësisë së përgjegjësve. Shtëpitë në Thumanë të dëmtuara që prej tërmetit të vitit 2018.

Ajo që ka shkuar gabim në këtë proces është që nuk u mor seriozisht. Prej momentit të parë dhe deri te spoti i sotëm i Edi Ramës është vetëm propagandë. Edhe në ato raste kur janë ndihmuar njerëz nuk e kanë bërë me transparencë.

Ka një problematikë që banorët e prekur nga tërmeti e dinë shumë mirë. Ka banesa që janë konstatuar si të pabanueshme, por figurojnë me dëme të lehta. Njësoj si rasti i dy pallatave në Thumanë. Është krim shtetëror. Rama e pa si mundësi për propagandë dhe abuzim", tha Basha në "Çim Peka Live".

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm