Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Rrëfimi shokues i të moshuarve: Na i morën kartat e identitetit sikur do na jepnin pensionet, nuk mundëm të votoni

Politiko 11 Qershor 2025, 12:50

Rrëfimi shokues i të moshuarve: Na i morën kartat e identitetit

Kryedemokrati Sali Berisha ka bërë publike në konferencën e sotme në gazetarët, rrëfimin e të moshuarve, ku shprehen se si iu morën kartat e identitetit, me pretekstin se do t’u jepnin pensionet.

Gjë kjo, sipas tyre, i ka penguar të votojnë më 11 Maj.

Berisha, ka akuzuar ashpër institucionet shtetërore për mosveprim ndaj asaj që ai e quajti “krim elektoral flagrant”.

Ai publikoi sërish pamje të disa kartave të identitetit të hedhura përtokë në zonën e Petrelës, të cilat, janë prova të manipulimeve të ndodhura gjatë procesit të votimit.

"Denoncuesi: Kush jeni, si e keni emrin?
Qytetari: Lodovik ...
Denoncuesi: Lodovik kush ...
Qytetari: Lodovik Rrethi.
Denoncuesi: A doni me votu nesër...
Lodovik Rrethi: Po ishalla...
Denoncuesi: A keni kartë?
Lodovik Rrethi: Jo. E kam kartën por na e ka marrë ai mjeshtri...
Denoncuesi: Si e ka emrin ...
Lodovik Rrethi: Besmiri ... te posta.
Gentian Ndoj: Kartën tënde kush e ka marrë?
Lodovik Rrethi: Besmiri.
Gentian Ndoj: Besmiri ... Pse nuk ta kthen kartën Besmiri...
Lodovik Rrethi: Nuk di gjë, puna e tij. Ai nuk i hedh lekët ai...
Gentian Ndoj: A të duhet karta ty...
Lodovik Rrethi: Më duhet nesër, kismet ...
Gentian Ndoj: Pse të duhet karta...
Lodovik Rrethi: Me votu.
Gentian Ndoj: Sa kohë ka që ta ka marrë kartën?
Lodovik Rrethi: Ka 1 javë.

Qytetarja: Marie Rrethi.
Denoncuesi: Sa vjeç je?
Marie Rrethi: 78.
Denoncuesi: Pensionin a e ke marrë
Marie Rrethi: Jo.
Denoncuesi: A don me votu nesër?
Marie Rrethi: Po nesër, për Zotin do të mi bin se s’bën more, s’ka ka ja man. Unë atë ja du.
Denoncuesi: Ç’ka?
Marie Rrethi: Kartat i du në shtëpi.
Denoncuesi: Kush ua ka marrë kartat ...
Marie Rrethi: Ky Besi na i ka marrë.
Denoncuesi: Ku punon ai.
Marie Rrethi: Don lek.
Denoncuesi: Çfarë lekësh?
Marie Rrethi: Lekët e pensionit...
Denoncuesi: Tash sa kohë ua ka marrë kartat.
Marie Rrethi: Ka tash 1 javë, tash ni javë po them unë se, kartat janë marrë ma tepër.
Denoncuesi: Pra, ai ua ka marrë kartat dhe nuk ua kthen.
Marie Rrethi: Nuk i kthen, për s’gjallë nuk i kthen.
Denoncuesi: A keni shku me ja kërku kartat?
Marie Rrethi: Ka shku Liku, i kam thënë Likut, çfarë është mor kështu, thotë. Duhet me ja çu Luisit, Luis Lazrit, për me i pru te shpia.
Denoncuesi: E çfarë i ka thënë ai për kartat.
Marie Rrethi: I ka thënë du me ja çu asaj. Mi jep mor mu, i ka thanë kartat. Jo jo i ka thënë, do ja çoj atje, se do i çoj dhe lekët. As ka pru lekë, as ka pru karta.
Denoncuesi: Pra, ju s’keni kartë?
Marie Rrethi: Jo në shtëpi. Jo, jo atje i ka, ai vetë i ka marrë. Hala vaki s’më ka bë kështu.

Gentian Ndoj: Një rast flagrant ka ardhur nga fshati i Barbullushit, ku një denoncues është ankuar pranë Partisë Demokratike, sepse një punonjës poste, i cili shpërndan pensionet në Barbullush, Besmir Lepi u ka marrë kartën e identitetit dhe nuk ua rikthen.
Qytetarët pa kartën e identitetit nuk mund të votojnë, ndaj i bëj thirrje organeve kompetente, Policisë së Shtetit që të marrin masa ndaj këtyre personave sepse po kryejnë krime zgjedhore.

Të fundit