Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Rreth 11.2 hektarë nën ujë, deputetja: Arsyet përse përmbytet Lezha

Politiko 19 Janar 2023, 14:15

Rreth 11.2 hektarë nën ujë, deputetja: Arsyet përse

Deputetja demokrate Lindita Metaliaj ka deklaruar se rreth 11.2 hektarë tokë janë përmbytur në Lezhë. Kjo e fundit është një nga qarqet e përmbytura si pasojë e reshjeve të dendura të shiut. Deputetja bëri një përshkrim të situatës aktuale në Lezhë, të cilën ajo e konsideroi dramatike.

“Situata në fakt në qytetin e Lezhës është dramatike. Është ndër dramatiket në dekadën e fundit. Në fakt është një situatë e paparë, dhe absolutisht i gjithë qyteti, por edhe zonat rurale janë në kaos, dhe në gjendje alerti.

Aktualisht, në këto momente që flasim, janë 25 shkolla të evakuuara. Mësimi është pezulluar në 25 shkolla të Lezhës, edhe në fshatra. Po ashtu, në qytetin e Lezhës, gjë kjo që nuk ka ndodhur kurrë më parë, përveçse lagjes ‘Besëlidhja’, e cila herë pas here përmbytej, është e bllokuar. Nuk hyn dhe nuk del dot nga qyteti i Lezhës. Katet e para të pallateve dhe bizneseve janë totalisht nën pushtetin e ujit. Siç e shihni dhe ju lumi Drin tani ka dalë nga shtrati”, tha Metaliaj.

Kjo e fundit shpjegoi arsyen se përse qyteti i Lezhës përmbytet. Më tej shtoi se mungojnë investimet, duke evidentuar si të nevojshme zgjerimin e lumit Drin dhe krijimin e hidrovoreve.

“Qyteti i Lezhës përmbytet, sepse edhe kanali i ujërave të larta, është mbledhësi i ujërave të larta nga përrenjtë që vijnë nga mali në lagjen e spitalit që vërshojnë më pas në Varrezat e Dëshmorëve, rrjedhin në lagjen ‘Besëlidhja’, duke vërshuar në rreth 11.2 hektarë në lagjen e qytetit. Nuk është bërë asnjë investim i kërkuar, ka përmbajtje inertesh të cilat vërshojnë nga mali, nga lagjia e spitalit, dhe gjithmonë atje është kaos. Nuk zbret dot as ambulanca për në spital.

Në anën tjetër është sifoni i ujërave të bardha që ndodhet në lagjen ‘Shtrauz’. Ai është bllokuar tashmë nga ndërtimet e shumta, nuk është vënë dorë. Pra, janë një sërë faktesh, dhe faktorët që e përbëjnë këtë situatë dramatike përmbytjesh aktualisht që flasim në qytetin e Lezhës.

Një problematikë tjetër është edhe mungesa e energjisë elektrike në qytetin e Lezhës, por edhe në zonat rurale. Ka patur ndërprerje të herëpashershme të energjisë elektrike, ç’ka ka sjellur që edhe hidrovorët të mos punojnë në kapacitet të plotë. Në hidrovore nk ka patur investime. Qoftë në hidrovorin e Gocaj, apo në Talë, gjatë ditës së sotme është ndërprerë në mënyrë të vazhdueshme, sepse ka mungesë me burim të dytë energjie në këto hidrovore.

Pra, nuk investohet në lumin Drin, krahas edhe në zgjerimin e lumit Drin. Nuk ka investime në hidrovore. Është projekti i ri i hidrovorit të Balldrenit, i cili është akoma në tryezën e kryeministrit Rama, dhe nuk investohet”, shtoi deputetja.