Rrogat në Shqipëri, Berisha: Funksion koncepti i nomenklaturës

Kreu i PD, Sali Berisha kritikoi rrogat e larta të politikanëve të Rilindjes dhe premton një sistem më të drejtë dhe më të barabartë për qytetarët, duke e shfrytëzuar shembujt e shteteve demokratike për të mbështetur idenë e një administrate të ndershme.

Berisha: Kemi bërë një maratonë të vështirë. Nuk besoj të ketë patur maratonë me itenerar m të vështirë se sa kjo maratona jonë. Por kemi ardhur gjer këtu fitimtarë.

Tani kemi segmentin e saj të fundit. Kemi segmentin e fitores.

Nuk e kemi rrafsh, nuk e kemi të shtruar. E kemi ngjitje. Por sot ne, djemtë, vajzat, burrat, gratë e së pamundurës këtë segment, këtë copë rrugë gjer në fitore do ta bëjmë me shpejtësi dhe me guximin më të madh. Asgjë nuk na ndan ne nga fitorja e merituar.

Ne kemi ardhur sot shumicë. Ne jemi shumica absolute e shqitparëve, dhe kemi para një pakicë plaçkitëse, një pakicë armiqësore ndaj shqiptarëve, një pakicë e cila, nga mëngjesi gjer darkë vjedh dhe plaçkit financat, fondet dhe pasuritë publike qytetarëve shqiptarë. Kemi njerëz që kanë frikë nga vetja e tyre, nga vjedhjet dhe krimet që kanë kryer.

Më thoni, ja ku janë të gjithë këta që janë përpara, dhe secili prej jush: çfarë frike keni ju nga vetja juaj? Ballëlartë, secili. Keni qendruar njerëz me moral, integritet, patriotë dhe keni të gjithë kredencialet për të kërkuar votën e shqiptarëve.

Ai që mund të krahasojë ju me rilindasit, krahason të pakrahasueshmet. Ndaj dhe, duhet të ndiheni krenarë me veten tuaj, krenarë me njëri-tjetrin. Nuk jemi kurrë njëlloj, jemi krejtësisht ndryshe. Njëlloj janë ata që, vjedhin nga mëngjesi deri në darkë.

Erion Veliaj dhe Edi Rama janë dy pika ujë të qelbur, apo një pikë e ndarë në mes në garën e tyre të çmendur për të vjedhur pasurinë e shqiptarëve. Kurse ne, ja ku i kishim.

Akuzuan Sali Berishën. Çfarë u doli? U doli se, në 32 vite kishte një apartament 40 metra, apo 60 metra më të madh se sa ai që ka patur gjatë diktaturës dhe 100 mijë euro kursime të 54 viteve punë bashkë me bashkëshorten.

Çfarë kujtoni ju, se të tjerët nuk i kanë kontrolluar? Me qindra, qindra, mijëra kanë kontrolluar dosjet, por kanë gjetur atë që...
Pra, nuk krahasoheni ju me ta, nuk krahasohen demokratët me ta. Po keni prap dallim tjetër. Nuk krahasoheni kurrë me ta! Sepse, sa qeverisëm ne, vumë qytetarin në epiqendër, ato që bëmë. Dyfishuam rrogat, dyfishuam pensionet.

Pra, ato të ardhurat që mblidhnim, ne u përpoqëm t’ja kthejmë të parit qytetarit. Shikoni ku janë katandisur këta.

Të vendosësh në tavolinë 8.2 mld euro, të gjitha taksat tuaja, dhe t’u kthesh 790 mijë pensionistëve 16 milionë euro. A ka cinizëm, a ka shpirtkazmëri më të madhe?

Çfarë ka ndodhur? Ky grup hajdutësh ka frikë nga qytetarët, i urrejnë qytetarët. Njëlloj si hajduti që urren viktimën e tij, edhe këta që vjedhin qyettarët i urrejnë. Ndaj dhe, tallen në këtë mënyrë me thërrime. Kurse ju, shkoni uleni, i thoni çdo pensionisti. Ne së pari, do vendosim minimumin jetik, nuk ka shqiptar që do marrë nën 200 euro në muaj, do t’i marrë ato, do t’i shpërndajmë këto të ardhura mirë. Shpërndahen ato. Pensionet do të llogariten mbi këtë normë.

Nuk do të ketë rrogë më të ulët se sa 500 euro, dhe ky vetëm fillimi. Jo, nuk mund të ketë, nuk mund të ndodhë që, presidenti, kryeministri të marrin 10 rroga mesatare. Se dhe ai punonjës, nëpunës fëmijë ka, gojë për të ushqyer ka, familje për të mbajtur ka.

Pra, çfarë bëjmë ne, do thoni ju?

Ne rikthejmë standartet e vendeve demokratike, ua them unë ju.

Në SHBA, presidenti më i fuqishëm i botës merr sa 4 punonjës, rrogën mesatare të 4 punonjësve të administratës së tij, nuk merr më shumë. Kancelari i Gjermanisë, po kaq. Kurse, ‘Harami i Shqipërisë’ merr 10-fishin. Po si mund të caktosh rroga të tilla?

Rrogat e ulëta nuk i lëvizin, por rrogat e larta po. A e dini ju që Shqipëria sot në rrogat e larta, rrogat më të larta në rajon? Sepse, funksion koncepti i nomenklaturës.