Flash News

“Ndërkombëtarët nuk më thanë 'mos bëj zgjedhje'”, Kurti: Ndërtesat e komunave i përkasin Kosovës

Kompensim i dyshimtë 1.2 mln euro, lihet i lirë ish-sekretari i Ministrisë së Financave

Mbyllja e Albanologjisë qokë për Gjinushin? Gazetarja “zë ngushtë” Kushin

Qeveria miraton shkrirjen e Akademisë së Studimeve Albanologjike

“Nuk kanë det dhe kokat nxehen”, Rama komenton situatën në Kosovë: Ushtria serbe ka fuqi zero

Ditari i Opozitës

'Rrudhet' kampi i Alibeajt për 14 majin, tërhiqet nga gara edhe kandidati i Krujës: S'bëhem pjesë e farsës politike

Politiko 30 Mars 2023, 11:31

'Rrudhet' kampi i Alibeajt për 14 majin, tërhiqet nga gara

Kampi i Alibeajt po rrudhet çdo ditë e më shumë, pasi kandidatët që shpalli në garën për kryebashkiakë më 14 maj, po tërhiqen thuajse çdo ditë një e nga një.

Së fundmi, kandidati për Bashkinë e Krujës Sabah Sheta, ka njoftuar tërheqjen nga gara. Në një postim në Facebook, Sheta shkruan se ka vendosur të mos bëhet pjesë e farsës politike që në fund i shërben përçarjes së demokratëve.

“Kam reflektuar këto ditë dhe kam vendosur të mos bëhem pjesë e asnjë farse politike, të mos i shërbej përçarjes demokrateve dhe qytetareve te mi, atyre qe na respektuan ne si force politike dhe na votuan masivisht ne 25 prill 2021. Kjo është arsyeja madhore pse kam vendosur të tërhiqem nga kandidimi për Bashkinë e Krujës në emër të PD. Por kjo nuk do të thotë se do të largohem nga fusha e betejës!”, shkruan ai.

Dy ditë më parë, tërheqja më e madhe nga gara, Alibeajt i erdhi nga qyteti i Korçës ku kandidati për kryebashkiak Gjergji Gjata u tërhoq bashkë me 40 emrat e listuar për Këshillin Bashkiak.

“Ju informojmë se unë si kandidati për Kryetar i Bashkisë Korçëë dhe 40 kandidatë për Këshillin Bashkiak, të partisë politike PDSh, tërhiqemi nga gara elektorale (në mënyrë të parevokueshme) për Zgjedhjet Vendore 2023, për mungesë të proçedurave vendimmarrëse në organet drejtuese të PDSh lidhur me kandidimet, si dhe për shkelje të integritetit dhe dinjitetit të të gjithë kandidatëve, cënuar nga vendime personale dhe jo kolegjiale. Urojmë më të mirën për Korçën dhe suksese për kandidatët më të mirë në të gjithë vendin. (Proçedurën zyrtare do e kryejmë sipas rregullave që parashikon ligji, pranë KQZ)”, njoftoi Gjata.

Tjetër tërheqje erdhi nga Bashkia e Kurbinit, ku Genc Doçi njoftoi se Alibeaj nuk e kishte zyrtarizuar kandidaturën e tij.

“Te nderuar qytetare te Kurbinit! Une nuk do jem kandidat per zgjedhjet vendore te 14 Maj 2023, pavarsisht deshires time te madhe per tu perfaqesuar. Kjo ndodhi pasi Kryesia e PDSH vendosi te mos e zyrtarizoje kandidaturen time”, shkroi Doçi.

Edhe Sandër Marku, kandidati i Alibeajt për Bashkinë e Lezhës u tërhoq nga kandidimi. Marku ishte në listat e dorëzuara në minutat e fundit një natë më parë nga Alibeaj në KQZ.

Ndërsa kandidati i Librazhdit, Bujar Vreto deklaroi se nuk kishte dorëzuar dokumentacionin në KQZ dhe si pasojë as nuk është regjistruar.

“Nuk jam regjistruar, nuk kam hyrë në garë, nuk kam dorëzuar as dokumentacionin në KQZ”, ka thënë Bujar Vreto.

Edhe Vora “braktisi” Alibeajn, ku kandidati Ibrahim Bruka tha se e kishte të pamundur të kandidonte për shkak të një arsyeje familjare.

Të fundit