Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

Ditari i Opozitës

Rudina Hajdari për vulën e PD: Më në fund sistemi gjyqësor doli në krahun e demokracisë

Politiko 11 Qershor 2024, 20:16

Rudina Hajdari për vulën e PD: Më në fund sistemi

Ish-deputetja demokrate Rudina Hajdari ka reaguar pas vendimit të Gjykatës së Apelit për t’i kaluar vulën dhe logon e PD, Sali Berishës. 

Ajo shkruan në Facebook se më në fund sistemi gjyqësor doli në lartësinë e qytetarëve dhe në krahun e demokracisë. 

 “Vendimi i sotëm i Gjykatës së Apelit lidhur me vendnodhjen e vulës së PD i dha fund një loje të shëmtuar politike dhe e kthen tashmë PD në shinat ligjore ku i takon të jetë.

Në krye të herës e kam theksuar se i gjithë procesi ishte jo demokratik pasi vendimin për drejtimin e partive e marrin anëtarët e jo gjyqtarët. Gjithsesi, më në fund sistemi gjyqësor doli në lartësinë e qytetarëve dhe në krahun e demokracisë, ky është një lajm i mirë.

Por PD ka ende shumë sfida përpara. Zgjedhjet e përgjithshme janë më pak se një vit larg dhe ende partisë i mungon reformimi serioz, figurat e reja të cilat thithin elektoratin gri dhe një hapje reale e lidershipit për ti dhënë mundësi cdokujt që ka aftësi, ambicje dhe dëshirë për të shërbyer të bashkohet me PD.

Duhet të institucionalizohet edhe më shumë gara dhe ajo të jetë reale me rregulla të qarta dhe të pamanipulueshme për këdo që dëshiron të garojë.
Mbi të gjitha, Berisha duhet të tregojë urtësi, duke dhënë mesazhin e shumëpritur të një vizioni të tij mbi

PD e të ardhmes e duke lejuar kultivimin e lidershipit të ri brenda PD.
Partia ka nevojë urgjente për një frymë të re bashkëkohore, në format e organizimit, mënyrën e komunikimit dhe trajtimin e çështjeve politike.

Vetëm kështu, PD mund të shkojë në zgjedhjet e ardhshme si një alternativë e pakonkurueshme dhe të fitojë besimin e shumicës së shqiptarëve. Kam besim se të gjithë së bashku do ta bëjmë realitet”, shkruan ajo.

Të fundit