Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha në Fier: 34 vite të Partisë Demokratike, histori krenarie dhe përkushtimi për Shqipërinë

Politiko 18 Janar 2025, 17:50

Berisha në Fier: 34 vite të Partisë Demokratike, histori krenarie
Lideri i opozitës, Sali Berisha, mori pjesë në ceremoninë për 34-vjetorin e themelimit të degës së Partisë Demokratike në Fier, ku mbajti një fjalim të gjatë mbi arritjet e partisë dhe sfidat e saj ndër vite.

Berisha vlerësoi rolin e demokratëve të Fierit, të cilët, sipas tij, u treguan të guximshëm 34 vite më parë, në kushte terrori, për të themeluar partinë që mbrojti liritë dhe të drejtat e shqiptarëve.

Ai kujtoi sakrificat e të rinjve të Fierit më 20 shkurt, të cilët humbën jetën në përpjekjet për ndryshim, duke theksuar se gjaku i tyre nuk u harrua kurrë.

Berisha: Të dashur demokratë të qytetit dhe qarkut të Fierit, një përshëndetje të përzemërt për të gjithë ju dhe banorët e këtij qarku.
Një përshëndetje të përzemërt kam për drejtuesit e PD, drejtuesin politik të qarkut të Fierit, zotin Bardhi, deputetin e Fierit, Luan Baçi, kryetarin Rrapi Gjiko dhe të gjithë të pranishmit në këtë sallë.
Sot jemi në një përvjetor dhe është normale që të përulemi me nderimin më të madh ndaj të gjithë atyre qytetarëve të këtij qyteti, që 34 vite më parë, në kushtet e një terrori të fortë, guxuan dhe firmosën për krijimin e PD, si parti e të drejtave dhe lirive themelore të mohuara të njeriut, si parti e interesit kombëtar të shqiptarëve, parti e iniciativës së lirë, parti e integrimit të Shqipërisë në BE dhe NATO.
Një nderim të veçantë kam unë sot për të gjithë ata të rinj të Fierit, që me 20 shkurt ranë nën breshëritë e terrorizimit të kuq. Gjaku i tyre skuqi Gjanicën, por demokratët e Fierit qëndruan të pamposhtur.
Të dashur miq, themelimi i PD 34 vite më parë ishte themelimi i një force politike të idealeve më fisnike të njeriut, të idealeve të ndaluara, të vlerave të shkelmuara.
Kjo forcë politike ka një trashëgimi që bën krenar çdo njeri.
Trashëgimia e saj janë të vërtetat supreme të njeriut, liritë, të drejtat, dinjiteti, interesi kombëtar.
Forca tjetër politike ka një histori krimi dhe nuk mund ta mohojmë. Rëndojnë mbi të kasaphana e luftës së klasave. Rëndojnë mijëvjeçarë vite rinie të shkrira në kampet e përqendrimit. Mijëra e mijëra jetë të rëna para skuadrave të pushkatimit.
Pra, trashëgimia jonë ndryshon si nata me ditën me trashëgiminë e forcës tjetër politike.
Në 34 vite të ekzistencës, ne transformuam Shqipërinë. Nga vendi i hiperkolektivizmit total, e shndërruam në vendin e iniciativës së lirë të qytetarëve të vet. Nga vendi i izolimit më të plotë, Shqipëria u integrua në Këshillin e Europës, në NATO dhe u hap ndaj gjithë botës.
Nga vendi që në vitin 1992, kishte të ardhurat për frymë të tretat më të ulëta në botë, 234 dollarë për frymë. Dhe kur një ditë u thashë që u bëra president me një rrogë 16 dollarë në muaj, një ndjekës në rrjetet sociale më thoshte Sala paska lajthitur. Qesha sepse e vërteta është se ai kishte të drejtë, nuk mund të imagjinonte se cila ishte Shqipëria e vitit 1992.
Por atë realitet, ne e transformuam. Ne ia dolëm që në vitin 2008, shqiptarët më të keqpaguar në kohëra, të dalin në krye për rrogat dhe pensionet në të gjitha vendet e rajonit. Dhe ky ishte një kërcim i madh.
Miqtë e mi, PD në vitin 2013, humbi zgjedhjet dhe doli në opozitë duke garantuar një proces zgjedhor të drejtë.
Por në pushtet erdhi njeriu me lidhjet më të fuqishme me krimin e diktaturë së shkuar dhe krimin e këtyre viteve.
Pas vitit 2013, me shpejtësi në Shqipëri u instalua narkodiktatura, e cila hapi çdo ditë e më shumë një gropë të zezë të tmerrshme në këtë vend, nga e cila largohen çdo ditë shqiptarët.
Ky regjim largoi nga Shqipëria më shumë se çdo luftë, më shumë se çdo fatkeqësi natyrore në ndonjë vend tjetër të planetit. Dhe ky largim ndodhi në 10 vite.
PD pësoi gjithashtu në 3 vitet e fundit tronditje të mëdha. Ndaj saj u bënë përpjekje të padrejta, të pandershme ta asgjësonin, ta përçanin, t’i emëronin kryetarin, de facto ta tjetërsonin si forcë politike.
Por, pas një procesi herë-herë dhe kalvari, sot jemi më të bashkuar, më të fortë, më në këmbë se kurrë.
Kjo sepse ne jemi njerëz që bashkohemi në të vërtetat që besojmë. Kjo është arsyeja kryesore.
Ne nuk udhëhiqemi nga ideologjira ekstremiste. Ne udhëhiqemi nga respekti i dinjitetit njerëzor, i investimit dhe kontributit të secilit në ëktë proces. Ne nuk pranojmë kurrë të shkelmojmë mbi kontributin e tjetrit në familjen tonë.
Ne udhëhiqemi nga një parim madhor, toleranca. Këtu me datën 20 shkurt, kur breshëritë korrnin jetë të rinjsh, demokratët nuk rrëmbyen, por demokratët qëndruan dhe me tolerancën e tyre, bënë pluhur përpjekjet e tyre për të krijuar republikën e Vlorës, siç u grupuan forcat enveriste.