Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Salianji prezanton në Kuvend raportin për TIMS: Ka pasur dy sulme kibernetike të pretenduara nga iranianët

Politiko 26 Korrik 2024, 22:02

Salianji prezanton në Kuvend raportin për TIMS: Ka pasur dy sulme

Kryetari i Komisionit Hetimor për rrjedhjen e të dhënave nga sistemi TIMS, deputeti i PD, Ervin Salianji prezantoi sot në seancën e fundit të sesionit parlamentar, raportin e pakicës për punën hetimore në Kuvend.

Salianji tha se ish-drejtuesi i departamentit të IT, Ervin Muça ka deklaruar se ka pasur dy sulme kibernetike të pretenduara nga hakerët iranianë.

Salianji: Ervin Muça na ka deklaruar se ka pasur dy sulme kibernetike. Sulmi i parë u mbajt i fshehtë pa kryer hetim apo masa që solli edhe sulmi ne dytë të pretenduar nga hakerat iranianë. Si rezultat i këtyre sulmeve çdo e dhënë në sistemin TIMS nga krijimi I tij deri në shtator 2022 gjenden në një kanal online që na është thënë konkretisht. Këto të dhëna janë të aksesueshme nga ata që kanë interes nga krimi i organizuar te shtetet jomiqësore që në këmbim të një shume monetare sot çdo e dhënë mund të shitet e blihet lehtësisht.

Ai ka deklaruar se ka pasur raste të tjera kur të dhënat janë prekur. Justifikimi më i përdorur nga drejtuesit e ministrisë së brendshme ka qenë se sulmet janë kryer nga iranianët. Kjo nuk ishte e vërtetë sipas tij dhe hetimit të komisionit parlamentar. Kjo vërtetohet nga një memo e vitit 2021 ku ish-drejtuesja e departamentit IT konfirmon se disa kompjuterë të drejtuesve administrativë janë hakeruar dhe kjo ngjarje u fsheh.

Këto sulme janë kryer edhe në sistemet e policisë së shtetit, të cilat arritën të prekin çdo pikë fundore sepse personat që e kishin për detyrë jo vetëm që nuk kanë bërë izolime por kanë bashkëpunuar me hakerët e sistemit sipas deklarimeve të zotit Muça.

Salianji akuzoi anëtarët e mazhorancës se u bënë "barrikadë për të mbrojtur paligjshmërinë e ndodhur".

Salianji: PS u bë barrikadë për të mbrojtur paligjshmërinë e ndodhur. Këshilli i Ministrave refuzoi të vinte në dispozicion informacionet e kërkuara, anëtarët refuzuan të sillnin si dëshmitar kryeministrin Edi Rama, si person që kishte dijeni. Anëtarët e mazhorancës refuzuan të thërrisnin Bledi Çuçin, që kishte pasur një rol të rëndësishëm, anëtarët e mazhorancës vendosën që dëshmitë të merren me dyer të mbyllura, megjithëse dëshmitë nuk përmbanin informacione të klasifikuara si sekret shtetëror. Gjatë hetimit, është verifikuar çdo pretendim që kemi bërë në kërkesën fillestare.