Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

Ditari i Opozitës

Salianji sot në Apel, Berisha: Rama dhe Xhafaj duan t’i marrin mandatin, do ta bëjmë çështje ndërkombëtare

Politiko 4 Korrik 2022, 11:35

Salianji sot në Apel, Berisha: Rama dhe Xhafaj duan t’i marrin

Deputeti demokrat Ervin Salianji do të dalë sot në seancën gjyqësore para Apelit lidhur me çështjen “Babale”. Seanca do të zhvillohet në orën 14:00.

Kreu i PD-së, Sali Berisha, në një deklaratë për mediat tha se procesi gjyqësor ndaj Salianjit po bëhet nga  Rama  dhe grupi mafioz Xhafaj, për t’i marrë mandatin e deputetit. Berisha shtoi se Salianji denoncoi Geron Xhafajn, vëllain e ish-ministrit Xhafaj, si një i kërkuar nga drejtësia italiane.

“Procesi ndaj deputetit Salianji, me të cilin Edi Rama dhe grupi mafioz Xhafaj duan ti marrin atij mandatin. Ky përbën një triumf të plotë të mafies shqiptare të Edi Ramës në çdo nivel. Ervin Salianji si deputet në betejën e tij, që në fakt duhet ta bëjë çdo deputet, denoncoi Geron (Agron) Xhafën, një i kërkuar nga drejtësia italiane se ishte i dënuar me shtatë vite burg i rrjetit të Bolonjës si drejtues i trafikut të drogave të forta”, tha Berisha.

Berisha tha se çështjen e Salianjit, PD do ta ndjekë edhe në gjykatat ndërkombëtare, teksa foli me emra konkretë për personat që do të kallëzojnë.

“Do çojmë për ndjekje penale Ardi Veliun, ish-kryepolicin e Fierit, oficerët e turpshëm, që manipulojnë dhe falsifikojnë prova. Ndjekjen penale të Artan Gjermenit, të Petra Sadushit, që në verbëri zbatojnë vetëm urdhra politikë. Çështjen Salianji, PD do ta bëjë një çështje ndërkombëtare dhe nuk do të pranojë kurrë që në Shqipëri të rikthehen proceset politike”, u shpreh Berisha.

Të fundit