Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"S'e kemi me ligj minimumin jetik", Koti: Kërkuam 200 euro për person, do kishte efekt pozitiv po të miratohej

Politiko 18 Nëntor 2024, 19:01

"S'e kemi me ligj minimumin jetik", Koti: Kërkuam 200 euro

Deputetja demokrate, Sorina Koti ka komentuar debatin rreth minimumit jetik për të cilin u diskutua sot në Kuvend dhe nuk u pranua nga qeveria.

Duke folur në një lidhje skype me MCN, Koti tha se Shqipëria është i vetmi vend në rajon ku nuk është përcaktuar me ligj minimumi jetik, ndërsa theksoi se kërkesën e kanë bërë prej kohësh por që nuk kanë marrë asnjë përgjigje nga Ministria e Financave.

Sipas saj 200 euro është kërkuar shifra për çdo person si minimum jetik dhe se nëse do miratohej do kishte një efekt pozitiv për të gjithë shtresën e popullsisë.

"Është një nga diskutimet më të forta që ka pasur sot në parlament vendosja e minimumit jetik në vend pasi jemi i vetmi vend që se kemi me ligj dhe nga llogaritjet tona të bazuara te studimet duke i shtuar dhe vlerën e inflacionit, bazuar te studimi i avokatit të popullit, INSTAT duhet ta kishte bërë tashmë një përllogaritje.

Sot kam kërkuar se sa do i kushtonte kjo vlerë ministrisë së financave nëse do miratohej minimumi jetik prej 200 euro. Janë përmendur ndihmat ekonomike dhe sociale, sa paguhen shtresat në nevojë që janë qesharake si vlera dhe të mendosh që në Shqipëri çmimet janë rritur, inflacioni po ashtu dhe një familje të jetojë me 100 mijë lekë të vjetra është një vlerë që nuk konceptohet dot.

Nuk ka pasur asnjë reagim nga qeveria fatkeqësisht apo ministria e financave. Nëse do të miratohej do të kishte një efekt pozitiv për të gjithë shtresën e popullsisë duke nisur nga ajo më e varfër, pavarësisht se do kishte efekt të madh për buxhetin e shtetit për momentin.

Edhe me këtë rritje pensioni përsëri është e pamundur për një pensionist për të përballuar  shpenzimet për ushqimet dhe barnat.

Nëse pensionistët s’do kenë mundësitë ndihmohen nga fëmijët e tyre brenda dhe jashtë vendit është e pamundur që ata të jetojnë me 100 apo 150 mijë lekë të vjetra në muaj.

Ne kemi kërkuar rritje pensioni, rritje pagash dhe minimumin jetike sepse është e pamundur të shkohet drejt BE me këto shifra", u shpreh Koti. 

Të fundit