Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Shifrat/ Zhupa tregon situatën me të cilën përballen të rinjtë: Programi i PD i jep zgjidhje

Politiko 5 Shkurt 2021, 12:01

Shifrat/ Zhupa tregon situatën me të cilën përballen të

Zëdhënsja e Partisë Demokratike, Ina Zhupa

Zëdhënsja e Partisë Demokratike, Ina Zhupa bëri një panoramë të situatës në të cilën ndodhen të rinjtë shqiptarë. Ajo tha se në këto 8 vite Shqipëria ka humbur rininë.

Zhupa vuri theksin te papunësia dhe të largimi i të rinjve. Ajo tha se 50% e të rinjëve nuk kanë besim te drejtësia në vend dhe më shumë se gjysma e të diplomuarëve dëshirojnë të largohen nga vendi.

Zhupa shtoi se vendi ynë ka papunësinë më të lartë të të rinjëve në rajon. Ajo tha se më shumë se gjysma e buxhetit të çifteve të reja shkon për ushqime, duke evidentuar si të pamundur krijimin e një familjeje me pagat që janë aktualisht në Shqipëri.

“Shqipëria është në një gjendje emergjente. 78% e kërkesave për zil ekonomik në BE janë nga të rinjtë nën 34 vjeç. Ne po humbasim brezin e të ardhëm, shpresën dhe gjithçka. Arsimi është arma më e fortë që merr një i ri për të përballuar jetën, edhe këtë rinia shqiptare e humbi nga rilindja.

Tarifat u rritet nga 15 deri ne 45% sipas degëve të ndryshme duke ju bërë barrë familjeve të varfëra shqiptare dhe shumë të rinj e patën të pamundur të vazhdonin studimet për shkak të pamundësisë për ti paguar. E humbi po ashtu me një reformë të dështuar në arsimin profesional, që propagandohej si një nga sukseset që do sillte rilindja. Por jo vetëm që nuk u shtuan të rinjtë që marrin arsim profesional por rregjistrimet në këto shkolla kanë rënë me 20%.

Rinia ka humbur besimin! 50% e të rinjve nuk kanë besim te sistemi arsimor dhe as te drejtësia ne vend. 52.3% e atyre që kanë një diplomë universitare duan të emigrojnë jashtë vendit. Papunësia është ulur këmbëkryq te rinia. 31,8% e të rinjve që janë në moshën deri 24 vjeç dhe që kanë mbaruar arsimin e lartë dhe nuk vazhdojnë një cikël tjetër studimesh janë pa punë, ata janë “rrugëve” si shpresëhumburit e mëdhenj.

Kjo shifër është më e larta në rajon. Mundësitë për të krijuar familje, për të rritur fëmijë dhe për të blerë një shtepi i kanë humbur rinisë shqiptare. Nga të dhënat zyrtare, çiftet e reja që sapo kanë krijuar familje si pasojë e mospërkrahjes, mbi 50% të buxhetit të tyre e harxhojnë për ushqime, pra për mbijetesë. Unë si nënë e një djali 20 muajsh, i di shumë mirë kostot që duhen, për të përballuar mirë rritjen e fëmijës. Si mund të mendojnë për të bërë fëmijë, për të blerë një shtëpi, një çift i ri pa asnjë përkrahje? Shqipëria ka humbur rininë në këto 8 vite dhe rinia ka humbur shpresat dhe Shqipërinë. Është koha për zgjidhje, është koha për angazhime konkrete dhe një qeveri që punon për shqiptarët dhe për rininë. Rinia fiton me programin tonë! Unë besoj se Lulzim Basha do ta sjellë ndryshimin”, deklaroi Zhupa.