"Shkodra dhe Lezha me numrin më të lartë të viktimave", Berisha: Braktisja e Veriut nga Rama, kriminale dhe licencë për përhapjen e virusit

Foto Ilustruese/ Ish-kryeministri, Sali Berisha

Ish-kryeministri, Sali Berisha, ka reaguar pas statistikave të publikuara nga INSTAT, të cilat raportojnë për një rritje të nivelit të vdekshmërisë në Shkodër dhe Lezhë, për shkak të efekteve të COVID-it.

Sipas Berishës, braktisja e Veriut është një politikë kriminale e Ramës, dhe “liçensë” për COVID-in që të përhapet dhe marrë qindra jetë njerëzish në këto rrethe.

Ish-kryeministri deklaron se: “Skandali i fshehjes së vdekjeve nga COVID-19 po arrin kulmin në veriun e vendit”.

Reagimi i plotë i ish-kryeministrit Berisha:

Rritje dramatike me 41 dhe 46% e vdekshmerise perkatesisht ne Shkoder, Lezhe.

Vdekjet ne keto rrethe nga covid-19 jane 4 here me te larta se ato te raportuara.
Braktisja e Veriut nga Edvini, politike kriminale, liçence per virusin per tu perhapur dhe per te marre qindra e qindra jete njerezish ne keto rrethe.

Miq, skandali i fshehjes se vdekjeve nga covid19 arrin kulmin ne veriun e vendit. Nga Instituti i Statistikave njoftohet se Shkodra dhe Lezha rezultojnë qarqet që kanë pasur rritjen më të lartë të vdekjeve në raport me popullsinë përkatëse në tremujorin e tretë të këtij viti, në krahasim me korrik-shtator 2019.
Keshtu te dhënat e përpunuara nga Monitor, bazuar mbi statistikat e INSTAT për vdekjet në tremujorin e tretë dhe popullsinë sipas qarqeve tregojnë se rritjen më të lartë të jetëve të humbura në vend në krahasim me të njëjtën periudhë të një viti më parë e kishte Shkodra me një shtesë prej 8.4 vdekjesh për 10 mijë banorë. Në këtë qark, në tremujorin e tretë u raportuan 577 vdekje gjithsej, me një rritje prej 41%, ose 169 vdekje më shumë se sa ne korrik-shtator te vitit 2019.

E dyta, sipas të njëjtës llogaritje është Lezha (me një shtesë prej 7.8 për 10 mijë banorë), që ka parë një rritje të vdekjeve me 46% në krahasim me tremujorin e tretë te vitit 2019.
Keto te dhena jane deshmi e braktisjes se madhe te Veriut te vendit nga Edvin Kristaq Urrejtja ne kohen me te veshtire te tyre pandemise se covid19, te kufizimit maksimal te testimeve duke kulmuar me rastin e 18 testeve per 13 te semure ne Shkoder.

Kjo vdekshmeri, me e larta ne Shqiperi eshte gjithashtu rezultat i mospergjigjes nga 127 e drejtorit peng i Edvinit ndaj kerkesave te qytetareve per ndihme ne keto rrethe.

Denoj me ashpersine me te madhe kete qendrim politik çnjerezor perçares te Edvin Urrejtjes qe kushtojne qindra jete njerezish. sb

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm