Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"Shkodra nën ujë", Spahia publikon videon: Shiu rrëzoi propagandën bajate që po na serviret prej 3 vitesh

Politiko 6 Shkurt 2026, 18:27

"Shkodra nën ujë", Spahia publikon videon: Shiu rrëzoi

Deputeti i Partisë Demokratike, Bardh Spahia ka publikuar një video nga Shkodra pas reshjeve të shiut, duke treguar rrugët e përmbytura dhe vështirësia në qarkullimin e automjeteve.

Në rrjetet sociale, Spahia shkruan se reshjet rrëzuan propagandën që po serviret prej 3 vitesh dhe se këto pamje janë rezultati i një politike që jeton vetëm për të hedhur hi syve dhe për të vjedhur fonde publike.

Postimi: 

SHIU I GRISI MASKËN. SHKODRA NËN UJË, BASHKIA NËN TURP!
​Sot natyra rrëzoi me një të rënë shiu propagandën bajate që po na serviret prej 3 vitesh! Uji që ka pushtuar rrugët është pasqyra e vërtetë e "Rilindjes" suaj false.
​Prej tre vitesh, Shkodra po gërryhet nga një model i shpifur, një fasadë "alla Open Society", të tipit Erion Veliaj që është asgjë më shumë se një ANTI-VLERË.
Një model që lyen fasada për Instagram, ndërkohë që qyteti rrënohet nga brenda.
Ju keni investuar vetëm në dukje, në shfaqje boshe, në tallava që nuk kanë asgjë të përbashkët me Shkodrën duke harruar nevojat thelbësore, duke vjedhur fondet dhe duke lënë kolektorët të bllokohen nga llumi i korrupsionit tuaj.
Ku shkuan paratë e taksapaguesve që u harxhuan për kolektorin e "famshëm" që u hap e u mbyll 2-3 herë e që do zgjidhte përfundimisht problemin e përmbytjes së rrugëve të qytetit? Apo ishte një shërbim që u bë në funksion të ndërtimit të kullës shumë katëshe..?
Të paaftë dhe mashtruesa të turpshëm!
​Kjo që shohim sot është rezultati i një politike që jeton vetëm për të hedhur hi syve dhe për të vjedhur fonde publike.
​Mjaft me fasada që fshehin hajdutërinë!
Mjaft me modele të importuara e të imponuara që nuk kanë lidhje me shpirtin e Shkodrës.
​
Shkodra duhet t'u kthehet qytetarëve, jo të mbytet në ujërat e një pushteti mashtrues.
​REAGO! PROTESTO!

Të fundit