Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

“Shkodra nuk kishte semafor”, Spahia i përgjigjet Ramës: Gënjeshtër! Ka patur prej vitesh edhe pse prej kohësh jo në funksion

Politiko 21 Mars 2024, 16:34

“Shkodra nuk kishte semafor”, Spahia i përgjigjet Ramës:

Ish kryebashkiaku i Shkodrës, Bardh Spahia i është përgjigjur kryeministrit Edi Rama i cili kishte deklaruar më herët se qyteti nuk kishte asnjë semafor e për më tepër as edhe një shtyllë semafori të ngulur në tentativë në 30 vjet demokraci.

Në një postim në rrjetet sociale, Spahia shkruan se Shkodra është një ndër 4 bashki që kanë përfituar nga investimi i qeverisë zvicerane, nëpërmjet SECO, për projektin SEMP për ndriçimin me led të 11 rrugëve kryesore të qytetit.

Reagimi:

Sa herë flet për Shkodrën gënjen.

Me pafytyrësinë që e karakterizon dhe me mosnjohjen e Shkodrës edhe nga përfaqësuesit e tij mashtrues lokal, Rama shprehet se: "Shkodra nuk kishte asnjë semafor e për më tepër as edhe një shtyllë semafori të ngulur në tentativë në 30 vjet demokraci".

Shkodra ka patur semaforë prej vitesh edhe pse prej shumë kohësh jo në funksion, edhe ndriçueset Led në 11 rrugët kryesore të Shkodrës janë projekt i përfunduar nga bashkia nën drejtimin tonë, me shpalljen e fituesit me 27.04.2023, për të cilët përsëri gënjen kur mundohet që ta propagandojë si arritje të rilindjes së tij hajdute.

Bashkia Shkodër është një ndër 4 bashki që kanë përfituar me datë 27 Prill të vitit 2023 nga investimi i dhënë nga Qeveria Zvicerane, nëpërmjet SECO, për projektin SEMP për ndriçimin me led të 11 rrugëve kryesore të qytetit.

Ajo çfarë Shkodra dhe shkodranët kanë "përfituar" nga rilindja është rritja e taksave lokale, lënia e qytetit në dorë të krimit, shpopullimi alarmant, ulja me rreth 1500 nxënës cdo vit nga arsimi parauniversitar, kanabizimi i territorit të bashkisë, plaga e papunësisë, largimi masiv deri tani i afro 200 kryefamiljarëve nga puna si dhe zbrazjen e vazhdueshme të qytetit gjatë qeverisjes së tij për shkak të varfërisë ekstreme.

Këto janë një pjesë shumë e vogël e problemeve madhore për të cilat një kryetar po të ishte i zgjedhur me votat e qytetarëve do kishte ngritur zërin tek kryeministri dhe jo diskutimi i turpit për semaforët.

P.s. nga disa takime me ekspertë të lëvizshmërisë dhe trafikut urban, rezulton se semaforët nuk janë një zgjidhje e përshtatshme për qytetin.

 

Të fundit