Flash News

Gjendet pas 6 ditësh trupi i pajetë i 29-vjeçarit në Klos

U arrestua pak metra larg SPAK, Prokuroria e Posaçme kërkon17 vite burg për ‘bosin’ e drogës

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Ditari i Opozitës

‘Shkrirja’ e Akademisë së Albanologjisë, Berisha: Akt antikombëtar i Ramës për t’ia dorëzuar Gjinushit

Politiko 28 Maj 2023, 12:47

‘Shkrirja’ e Akademisë së Albanologjisë, Berisha: Akt

Kryedemokrati Sali Berisha ka reaguar lidhur me projektvendimin që po përgatit qeveria për të shkrirë Akademinë e Albanologjisë dhe për ta bashkuar me Akademinë e Shkencave.

Në një postim në Facebook, Berisha shkruan se projektvendimi në fjalë është një akt antikombëtar dhe antiligjor i Ramës, i cili po ndërmerr një sulm të hapur ndaj gjuhës shqipe.

Berisha shkruan se projektvendimi bie ndesh me ligjin e Arsimit të Lartë dhe të Akademisë së Shkencave, dhe bëhet e gjitha për ta dorëzuar te Skënder Gjinushi.

Postimi:

Shkrirja e Akademisë Albanologjike, një akt  antikombëtar e antiligjor i Edi Ramës.

Të dashur miq, Edi Rama po ndërmerr një sulm të hapur kundër albanologjisë, gjuhës shqipe, shkencave të etnogjenezës, identitetit tonë kombëtar. Ai në kundërshtim me ligjet e Arsimit të Lartë dhe të Akademisë së Shkencave ka pergatitur me ministren e tij të arsimit një vendim për shkrirjen e Akademisë Albanologjike, qendrave dhe instituteve të saja dhe dorëzimin e tyre tek Skendër Gjinushi.

Dënoj me ashpërsinë më të madhe këtë vendim antishqiptar dhe antiligjor të Edi Ramës si një goditje asgjesuese për studimet e gjuhës shqipe, shkencave të etnogjenezës dhe kërkoj anullimin e tij të menjëhershëm.

Këtu më poshtë keni raportimin e mediave për këtë akt antiligjor!

Të fundit