Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Opozitës

Shqipëria me çmimet më të larta të energjisë, PD: Hirziu nuk bëri një paketë ndihme si vendet e tjera

Politiko 1 Nëntor 2022, 11:56

Shqipëria me çmimet më të larta të energjisë,

Anëtari i Kryesisë së PD, Eno Bozdo ka reaguar pas publikimit të raportit të EUROSTAT, i cili e rendit Shqipërinë si vendin e dytë me çmimin më të lartë të energjisë në Rajon. Në një deklaratë nga selia blu, Bozdo renditi arsyet se përse Shqipëria është në këtë renditje, kur burimet ekzistojnë, ndërsa hodhi akuza ndaj qeverisë:

“Çka vlen të theksohet fort është fakti se vendet e tjera të rajonit, pavarësisht se janë shumë më të ekspozuara se Shqipëria në tregun e energjisë, dhe pa burime të brendshme prodhuese, kanë çmime më të ulëta të energjisë. E dini pse? Sepse kanë aplikuar paketa ndihmëse për popullatën. Përjashtim këtu, sigurisht, bën Shqipëria e Hirziut, e cila nuk ndërmerr asnjë masë dhe nuk kujdeset për asnjë paketë të tillë.

Por nuk mbaron këtu. Statistikat e EUROSTAT nuk marrin parasysh rritjen me më shumë se 4‒fish të çmimit të energjisë elektrike për familjarët që tejkalojnë fashën 800 këh në muaj.  Me këtë shtesë, Shqipëria do të mbetet vendi me energji më të shtrenjtë në rajon. Kjo është absurde duke ditur dy fakte: se ne nuk kemi asnjë varësi nga gazi rus; se ne mund të plotësojmë 100% të nevojave tona nga energjia e rinovueshme, që e prodhojmë me burimet tona ujore, që Zoti na i ka dhuruar me bujari!”- u shpreh Bozdo.

Ky i fundit shtoi se shkaku i vetëm për këtë situatë është qeveria Rama dhe jo lufta në Ukrainë.

“Ndërsa Rama bërtet poshtë e lart, si i marri i fshatit, për “çmime të çmendura të energjisë, që nuk gjendet”, apo se “jemi në luftë dhe lufta do sakrifica”, fakti është se fatkeqësia nuk është lufta dhe as mungesa e energjisë, por ai vetë dhe qeveria e tij”, shtoi Bozdo.

 

Të fundit