Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"Është detyra ime t’ju shoh në sy", Basha në Fier: Nuk duhet të kemi asnjë iluzion se rruga përpara do jetë e lehtë

Politiko 14 Maj 2021, 12:13
"Është detyra ime t’ju shoh në sy", Basha në
Krydemokrati Lulzim Basha

Në vijim të turit që nisi, pas humbjes së PD në zgjedhje, kryetari Lulzim Basha ishte në Fier, nga ku hodhi sërish akuza për blerje votash. Ai tha se 25 prilli tregoi se demokratët, pavarësisht se nuk kanë asnjë mjet pushteti në dorë, treguan se mund të mobilizohen.

Basha ritheksoi se beteja do të bëhet në të gjitha format, duke shtuar se lufta e PD, nuk është për karrige dhe për poste drejtorësh.

“25 prilli tregoi se demokratët pa asnjë mjet pushteti në dorë, vetëm me shpirtin e tyre janë në gjendje të bëjnë një mobilizim masiv dhe t’i kundërvihen një pushteti të tërë e ta çojnë në buzë të greminës gati për ta hedhur aty ku e ka vendin.

Padiskutim me këtë vjen edhe  konkluzioni i dytë i cili besoj se nuk është sekret as  për strukturat tona dhe as për qytetarët shqiptarë, masakra elektorale e 25 prillit nuk do të njihet  rezultati i tjetërsimit të vullnetit të shqiptarëve, nuk do të pranohet. Për këtë nuk ka pikë diskutimi.

Beteja do të vazhdojë, beteja do të vazhdojë pikërisht për ata të cilët e nisëm, jo për karrigen time, as të Enkelejdit e as të kandidatëve tanë të tjerë, jo për poste drejtorësh apo për tendera, apo për të hapur dyert e doganave  për kontrabandë apo  për të bërë aleancë me krimin.

Beteja jonë do të vazhdojë për Shqipërinë dhe për demokracinë. Si do të vazhdojë kjo betejë? Në të gjitha format, në të gjitha mënyrat, në çdo fushë beteje. Një gjë është e sigurt si drita e diellit sot fundi i kësaj beteje nuk mund të jetë  triumfi i regjimit Rama-Doshi, por përmbysja e këtij regjimi dhe fitorja e Shqipërisë dhe e shqiptarëve", tha Basha.

Ky i fundit iu tha mbështetësve të PD, se rruga nuk është e lehtë, por duhet vazhduar deri në fund.

"Natyrisht nuk duhet të kemi asnjë iluzion se rruga që kemi përpara do jetë e lehtë dhe se orët dhe ditët e sakrificave kanë mbaruar. Është detyra ime t’ju shoh në sy e t’ju them që atë që kemi nisur së bashku krah për krah do ta vazhdojmë deri në fund”, tha nder te tjera Basha.

Të fundit