Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Shtyhet seanca për sekuestron e dy vilave, Kryemadhi: Do ta ndjek çështjen në Strasburg

Politiko 16 Dhjetor 2024, 13:20

Shtyhet seanca për sekuestron e dy vilave, Kryemadhi: Do ta ndjek

Vendimi për sekuestron e vilave të deputetes Monika Kryemadhi dhe nënës së saj është shtyrë për nesër në orën 10:00.

Jashtë ambienteve të SPAK, Kryemadhi deklaroi se nuk janë dy vila, por dy apartamente të marra me kredi. Deputetja e PL tha se do ta ndjekë çështjen në Gjykatën e Strasburg.

“Një nga gjërat ishte se arsyeja për sekuestrot e banesave se ju keni qejf t’u thoni vila, janë apartamente. Thanë pse ka marrë kredi, dhe unë shtrova  një pyetje gjyqtares dhe prokurorit, po ju që keni marrë kredi, jepni me qira është e ligjshme apo e paligjshme? Prokuroria nuk ka marrë ekspertë financiarë, kanë qëndruar në kuadrin e thashethemeve gazetareske. Me thënë të drejtën pretendimi është se meqë dyshohet Ilir Meta për çështjen CEZ/DIA dhe mamaja jote ka marrë shtëpi në Mars 2010. Megjithatë janë justifikime, pse duhet të rezultonte tani kjo çështja e shtëpisë.

Në vlerën që kanë përmendur për të intimiduar se ju e dini mirë që në raste të tilla kur dosjet dalin në media, është për të bërë padrejtësi nëpërmjet linçimit të njerëzve.  Bëhet fjalë për 310 mijë euro, ata mbledhin të gjitha transaksionet që kanë qarkulluar në bankë duke ia vendosur mamasë time. Ynë do ndjek të gjitha procedurat ligjore se jma e bindur që kjo çështje do vazhdojë në Strasburg. Atë ditë që kemi pasur gjyqin në Ape, 5 minuta para se të vija 10 policë kanë zbarkuar në oborrin e   shtëpisë time, ishte skenar interesant për presion psikolog. Mund të jetë edhe rastësi. Kanë ardhur dhe ditën tjetër, procesverbali u firmos nga unë dhe nëna ime”, deklaroi deputetja.

E kur u pyet nga gazetarët se ku do qëndrojë nëse apartamentet sekuestrohen, ajo u përgjigj me batutë: Me çadër mo!

Të fundit