Flash News

Nesër ditë zie në Kosovë, në nderim të policit të vrarë

Ja momenti kur gjendet i vrarë terroristi serb në veri të Kosovës

Dhunohet një efektiv i forcave ‘Shqiponja’ në Laprakë

Kishte planifikuar vrasjen e 3 personave, arrestohet 41-vjeçari në Pogradec

Të armatosur dhe të maskuar, Kurti nxjerr fotot e grupit që po sulmon Policinë e Kosovës

Ditari i Opozitës

Shtyrja e rritjes së pagës për administratën/ Tabaku: Arrogancë, nxjerrin justifikime naive

Politiko 3 Qershor 2023, 14:59

Shtyrja e rritjes së pagës për administratën/ Tabaku:

Deputetja demokrate, Jorida Tabaku ka komentuar shtyrjen e vendimit për rritjen e pagave për administratën publike.

Tabaku theksoi se kjo tregoi paaftësi të Ministrisë së Financave.

Në një intervistë për Panorama TV, ajo u shpreh se rritja e pagave është reklamuar prej 6 muajsh.

Mes të tjerash Tabaku e cilësoi një justifikim naiv deklaratën e ministres Ibrahimaj se “nuk u zbardh dot vendimi i këshillit të ministrave”.

“Mendoni se opozita këtu në Parlament, nëse nuk do mazhoranca, mund të bllokojë diçka. Ajo që u pengua të miratohej pak muaj më parë ishte po nga mazhoranca. Askush nga ne nuk është naiv që të mendojë së deputetët e mazhorancës paskan këtë sens rebelimi dhe bllokojnë ligjet e qeverisë.

Kemi dëgjuar që nga dhjetori i kaluar kryeministrin dhe ministren e Financave, që qartësisht kanë thënë: Janë llogaritur efektet, është një strategji e re e hartuar për pagat, fondet në buxhetin e shtetit janë megjithëse kemi thënë që ka një pikëpyetje të madhe për llogaritjen e fondeve për rritjen e pagave. Thanë që kanë llogaritur kategoritë etij dhe 185 mijë punonjës të administratës kanë të paktën v6 muaj që presin rritjen e pagave.

Rritja e tyre e pagës u votua edhe nga opozita si një akt i qartë i faktit që qeveria ka 10 vite që rrit paga. Duhet ta kishte ndihmuar administratën me të paktën normën e inflacionit. Kjo është një paaftësi e Ministrisë së Financave që nuk kanë qenë në gjendje që diçka që kanë 6 muaj që e reklamojnë ta vendosin që të hyjë në fuqi me datën 1 qershor.

Edhe një arrogancë që dalin e nxjerrin justifikime që për mua janë fëminore e naive, që nuk u zbardh dot vendimi i këshillit të ministrave. 6 muaj që reklamojnë dhe nuk janë të aftë të bëjnë një përllogaritje të koeficentëve për vjetërsinë në punë, etj. Ministria e Financave e ka treguar paaftësinë e saj vazhdimisht këto vite. Kjo i vuri kapakun, qeveria që ankohet që nuk zbardhi dot VKM-të, po paaftësisë së tyre nuk i vendos dot emra.”, tha deputetja.

Të fundit