Flash News

Korçë/ 40-vjeçari hidhet nga ballkoni i katit të pestë, në gjendje kritike

Kroacia rikthen shërbimin e detyrueshëm ushtarak

Ndërtimet pa leje në Theth, Manja kërkon procedim disiplinor për prokuroren Elsa Gjeli

Detaje nga vrasja e Renis Dobrës, autorët erdhën me 2 makina Range Rover nga Rrësheni

Gjykata e Lartë e la në burg, Meta i drejtohet 'Kushtetueses'

Ditari i Opozitës

“Sjellje autokratike ndaj medias”, Bardhi akuza qeverisë nga Parlamenti Europian

Politiko 2 Dhjetor 2022, 11:14

“Sjellje autokratike ndaj medias”, Bardhi akuza qeverisë nga

Deputeti demokrat Gazment Bardhi ka ngritur një sërë shqetësimesh gjatë fjalës së tij si pjesë e delegacionit në Komitetin Parlamentar të Stabilizim Asociimit BE-Shqipëri. Ai është shprehur kundër hartës së re gjyqësore, ndërsa është ndalur edhe te SPAK-u dhe liria e medias në vend.

Sipas Bardhit, mbetet shqetësim që qeveria nuk ka hequr dorë përfundimisht nga ligji “antishpifje”. Ai u shpreh kundër nismës së qeverisë për të krijuar Agjencinë për informim.

“Po ashtu mbi krijimin e agjencisë së kontrolluar nga kryeministri Rama mbi informimin, e cila po shndërrohet në një Ministri të vërtetët propagande, diçka kjo e patolerueshme për një vend që ka nisur zyrtarisht negociatat për anëtarësim në BE, të ketë një sjellje të shtetit me tipare autokratike karshi lirisë së medias”, tha Bardhi.

Ky i fundit u ndal edhe te nisma për të reduktuar numrin e gjykatave.

“Nisma e qeverisë për të reduktuar gjykatat e apelit në një hartë të re gjyqësore do të krijojnë një amulli edhe më të madhe për qytetarët dhe vetë sistemin e drejtësisë në Shqipëri. Sipas progres raportit harta e re duhet të krijohet duke marrë në konsideratë nevojat e qytetarëve, përfshirë dhe atyre më pak të avantazhuar. Nëse vijohet në këtë mënyrë kjo hartë e re do të cenojë të drejtën e procesit të rregullt ligjor”, tha ai.

Ndërsa për Reformën në Drejtësi, deputeti u shpreh se drejtësia duhet të jetë e barabartë dhe se SPAK duhet të veprojë edhe ndaj “të paprekshme”.

“Ndaj është e rëndësishme, ashtu siç e thekson dhe progres raporti, që drejtësia të përballet me të paprekshmit dhe pastrimit të parave në sektorët e ndërtimit dhe pronave në Shqipëri. Pikërisht si Prokuroria e Përgjithshme ashtu dhe SPAK duhet të nxiten të hetojnë mbi pastrimin e parave, abuzimin e pushtetit në dhënien e lejeve të ndërtimit dhe ndaj të paprekshmit, të cilët deri më tani e kanë veprojnë mbi shtetin e së drejtës. Po me rëndësi, duhet që të gjithë të jenë të barabartë para ligjit, ndaj dhe vendimet gjyqësore, kjo pasi sipas progres raportit shpesh vendimet gjyqësore jepen ndaj atyre që favorizohen nga pushteti”, u shpreh demokrati.

 

 

Të fundit