Flash News

Korçë/ 40-vjeçari hidhet nga ballkoni i katit të pestë, në gjendje kritike

Kroacia rikthen shërbimin e detyrueshëm ushtarak

Ndërtimet pa leje në Theth, Manja kërkon procedim disiplinor për prokuroren Elsa Gjeli

Detaje nga vrasja e Renis Dobrës, autorët erdhën me 2 makina Range Rover nga Rrësheni

Gjykata e Lartë e la në burg, Meta i drejtohet 'Kushtetueses'

Ditari i Opozitës

Skandali me varrezat në Tufinë, Këlliçi: Kjo është fytyra e vërtetë e Erion Veliajt

Politiko 25 Shkurt 2024, 17:09

Skandali me varrezat në Tufinë, Këlliçi: Kjo

Anëtari i Kryesisë së PD, Belind Këlliçi ka komentuar pamjet e rënda të shfaqura në emisionin “Piranjat” nga varrezat e Tiranës, ku eshtrat e foshnjave vendoseshin në kuti ëmbëlsirash dhe të të rriturve në qese të zeza.

Për Syri TV, Këlliçi tha se këto pamje treguan fytyrën e vërtetë të qeverisjes lokale të Tiranës dhe të kryebashkiakut Erion  Veliaj.

Teksa i konsideroi pamje horror, Këlliçi tha se të trajtosh qytetarët e ndjerë dhe dinjitetin njerëzor në këtë mënyrë, është përtej çdo politike.

Këlliçi: Nuk kam dashur ta besoj, se përditë marrim denoncime kryesisht në rrjetet sociale dhe nuk e kam besuar se mund të ndodhë ky fenomen ku një rast që unë e kam marrë denoncim, po trajtohet ende nga emisioni Piranjat dhe besoj se do të jepet në vijim.

Dua t’i falënderoj publikisht për një punë fantastike që kanë bërë për të nxjerrë në pah, fytyrën e korruptuar të kësaj qeverie, kryekëput të korruptuar, por tashmë jo vetëm e korruptuar, por edhe qeveri barbare.

Tani, problemi është se aty nuk ka pasur vetëm mbetje të fëmijëve të futura në vasketa, kanë qenë pamje të paimagjinueshme, horror, ju falënderoj që i transmetoni, e kuptoj që është shumë e rëndë dhe e kuptoj mjaft mirë pjesën sensitive të këtyre pamjeve që shumë qytetarë mund të ngarkohen, por më mirë që qytetarët të shohin të vërtetën se çfarë ndodh në varrezat e Tufinës sesa ne të retushojmë pamjet dhe të mos u tregojmë qytetarëve të vërtetën.

Aty jo vetëm që ju shihni pamje, varrezën murale, po është një çarë ku janë pakot me eshtrat e fëmijëve dhe në një krah tjetër është e paimagjinueshme, barbare, antinjerëzore, trajtimi me qese plehrash i mbetjeve të rriturve, sepse aty unë kam parë edhe pamje filmike shumë të rënda që flitet për eshtra të personave të rritur që thjesht janë futur në qese plehrash dhe janë hedhur në një cep.

Të trajtosh qytetarësh që kanë ndërruar jetë, dinjitetin njerëzor në këtë nivel është përtej çdo politike.

E kam parë edhe kronikën e Veliajt “që do t’u kthente dinjitetin njerëzor” të gjithë atyre familjeve që kishin nevojë që eshtrat e të afërmëve të tyre të preheshin të qeta në varrezat kryesore, në Tufinë dhe në Sharrë, por të shohësh sot tetë vite më pas këto pamje, kjo është fytyra e vërtetë e kësaj qeverisjeje lokale këtu dhe kjo është dhe  fytyra e vërtetë e Erion  Veliaj, që propaganda është tjetër gjë, realiteti është tjetër gjë.” 

Të fundit