Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Spahia akuza mazhorancës: Tentoi të kalojë pa transparencë ligjin për Barazinë Gjinore

Politiko 4 Nëntor 2025, 14:24

Spahia akuza mazhorancës: Tentoi të kalojë pa transparencë

Deputeti i Partisë Demokratike, Bardh Spahia, ka reaguar pas tensioneve në Komisionin për Shëndetësinë dhe Mirëqenien Sociale, duke e cilësuar situatën si të paprecedentë dhe alarmante për demokracinë parlamentare.

Sipas Spahisë, deputetët socialistë tentuan të ndryshojnë rendin e ditës për të futur me urgjencë në shqyrtim projektligjin për “Barazinë Gjinore”, por kërkesa e tyre u rrëzua me votë. Ai tha se pas kësaj, mazhoranca braktisi mbledhjen dhe u përpoq të bllokonte punimet, madje duke ushtruar presion ndaj përfaqësuesve të Ministrisë së Shëndetësisë.

“Është absurde dhe e papranueshme që iniciatorët e një nisme ligjore bojkotojnë komisionin vetëm sepse kërkesa e tyre nuk mori votat e mjaftueshme,” deklaroi Spahia.

Ai akuzoi mazhorancën se po synon të kalojë pa transparencë projektligjin për Barazinë Gjinore, i cili sipas tij cenon bazat e familjes shqiptare.

Spahia shtoi se sjellja e mazhorancës është pjesë e një fushate për të minimizuar rolin e opozitës në Kuvend dhe për të shtyrë përpara “agjenda ideologjike të majta që rrezikojnë vlerat tradicionale të shoqërisë shqiptare”.

“Kjo sjellje e mazhorancës socialiste është në vazhdën e refuzimit dhe minimizimit të hapsirës së opozitës në kuvend. Në shkleje të kushtetutës dhe cdo rregullorje, që nga nisja e sesionit parlamentar janë refuzuar interpelanca, mocione me debat, propozime per ndryshime ne ligje si dhe komisone hetimore.  Zanafilla e kësaj situate është urgjenca për të kaluar projektligjin e shumë debatueshëm të “Barazisë Gjinore” i cili hap rrugën lejimit të vetë-identifikimit dhe njohjes të më shumë së dy gjinive duke shkatërruar bazat e familjes shqiptare. 

Ky projektligj në gjykimin tonë dhe në gjykimin e shumicës dërrmuese të qytetarëve është kundër interesit të shqiptarëve pasi qëllimisht kërkon të ndryshojë konceptin bazë të shoqërisë sonë, familjes tradicionale e përbërë nga bashkimi natyror midis një burri dhe një gruaje, duke shkatërruar binaritetin e dy gjinive bazë, në mënyrë që të hapë rrugën njohjes nëpërmjet vetë-identifikimit, më shumë se dy gjinive”, tha Spahia.

Të fundit