Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

“SPAK po mbyll çështjen e inceneratorëve”/ Paralajmërimi i Berishës për Portin e Durrësit: Do futen në listën e zezë

Politiko 18 Nëntor 2022, 12:35

“SPAK po mbyll çështjen e inceneratorëve”/

Lideri i demokratëve, Sali Berisha ka folur sërish për të ashtëquajturën aferë e Portit të Durrësit. Por gjithashtu u ndal edhe te çështja e inceneratorëve, që sipas tij, SPAK po bën gjithçka për ta mbyllur, pa ndëshkuar zyrtarët e lartë të qeverisë.

“SKAP-i i partisë, po bën gjithçka për të mbyllur aferën e djegësave, për ta shitur si një aferë të disa punonjësve të kësaj sipërmarrje gjigante të krimit ekonomik të Edi Ramës, Agaçit, Ahmetajt, Veliajt dhe Kokës.

Çdo hap që bëhet, bëhet me qëllimin e vetëm për të mbrojtur Edi Ramën nga krimi që ai personalisht ka kryer. Inceneratorët janë sipërmarrje direkte e Ramës, Agaçit, Ahmetajt, Veliajt dhe Kokës. Janë, sepse Edi Rama, për të mbushur thasët me euro me grupin e tij mafioz, organizatën e strukturuar kriminale”, tha Berisha.

Ky i fundit tha se PD do të bëjë gjithçka për të penguar projektin e Portit të Durrësit. Kryedemokrati paralajmëroi se çdo kompani ndërtimi që do marrë pjesë në projektin e Durrësit, do futet në listën e zezë.

“Ndaj dhe PD do përdorë të gjithë format për të kundërshtuar këtë plaçkitje të pronës publike më të çmuar që kanë sot shqiptarët. Ne, natyrisht do u prijmë të gjitha nismave për dështimin e këtij projekti.

Jam këtu për të paralajmëruar se çdo kompani ndërtimi që do marrë pjesë në këtë projekt, do futet në listën e zezë. Dhe i paralajmëroj që të mos shndërrohen në shushunja për të vjedhur një pronë publike të shqiptarëve. Sepse po regjistrohen nënkontraktorë tani”, u shpreh Berisha.

Të fundit