Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"SPAK rrethon korrupsionin e Ballukut", Vokshi: Protestat e PD, mision për zgjedhje të lira

Politiko 22 Shkurt 2026, 17:48

"SPAK rrethon korrupsionin e Ballukut", Vokshi: Protestat e PD, mision

Deputetja e Partisë Demokratike, Albana Vokshi theksoi se Partia Demokratike do të vazhdojë me protesta të shpeshta dhe të përhershme, lokale dhe kombëtare, për të mbrojtur zgjedhjet e lira dhe të ndershme.

Në një intervistë për Syri TV, ajo akuzoi qeverinë e kryeministrit Edi Rama për manipulim të zgjedhjeve të 11 majit dhe për pengesa në procesin e hetimeve të SPAK për korrupsionin e Belinda Ballukut, duke e lidhur këtë direkt me mbrojtjen e interesave të kryeministrit.

Vokshi shtoi se objektivi kryesor i PD mbetet krijimi i një qeverie teknike që siguron standardet demokratike dhe drejtësi në procesin zgjedhor.

Vokshi: Është ajo që Partia Demokratike dhe kryetari i Partisë Demokratike, zoti Sali Berisha, ka premtuar. Kemi premtuar protesta të vazhdueshme. Protesta të shpeshta, të vazhdueshme, ë, si lokale dhe edhe kombëtare. Menjëherë mbas zgjedhjeve, Partia Demokratike nëpërmjet Task Forcës së saj, të ngritur brenda Partisë Demokratike, mori disa muaj për të investiguar, për të hetuar dhe për të raportuar për krimin elektoral. Parlamenti i dalë nga zgjedhjet e 11 majit nuk përfaqëson vullnetin e qytetarëve. Zgjedhjet e 11 majit ishin të manipuluara, të devijuara, të dhunuara. Dhe për disa muaj Partia Demokratike, bëri atë që premtoi.T'i tregonte jo vetëm kombëtarëve, por dhe ndërkombëtarëve, atë çka ndodhi para 11 majit dhe pas 11 majit. Unë besoj që këtë detyrë dhe këtë premtim ndaj qytetarëve, transparencën për atë sa kemi mundur, për atë çka ka ndodhur para dhe gjatë zgjedhjeve të 11 majit, ne tashmë e kemi mbajtur.

Dhe sigurisht, kush ka qenë objektivi kryesor dhe kush mbetet objektivi kryesor strategjik i Partisë Demokratike? Për aq kohë sa që në 2013-ën deri më sot, Edi Rama nuk ka organizuar zgjedhje të lira dhe të ndershme, edhe objektivi i parë i çdo proteste të organizuar nga Partia Demokratike është të sigurojë zgjedhje të lira dhe të ndershme për qytetarët. Pse? Sepse demokracia del nga zgjedhjet. Demokracia është votë. Nëse nuk i lejon qytetarët e tu që të votojnë lirshëm, të votojnë ndershëm, atëherë nuk ka demokraci në Shqipëri. Dhe këtë ja kemi dalë që t'ia dëshmojmë, t'ia tregojmë edhe faktorit ndërkombëtar. Tashmë, unë besoj që, në mos 100%, po 90 ose mbi 90% e faktorit ndërkombëtar, tashmë e ka të qartë Po. se kush është Edi Rama dhe se si i ka manipuluar zgjedhjet Edi Rama.

Nesër bashkë me disa kolegë të mi do jemi në Bruksel, ë, do kemi një mision të, të Partisë Popullore Europiane këtë javë që vjen në Shqipëri, duke pasur parasysh që javën që shkoi ishte dhe një, dhe një mision i Komisionit të Jashtëm të Parlamentit Europian. Pra, është kambanë alarmi, po bie kambana e alarmit në të gjitha institucionet ndërkombëtare, ë, dhe në të gjitha organizimet politike të partive, jo vetëmtë qendrës së djathtë, por edhe të majtë. Objektivi kryesor i protestave është zgjedhje të lira dhe të ndershme. Por a ka zgjedhje të lira dhe të ndershme me Edi Ramën? Nuk ka. Ndaj kush është kërkesa e Partisë Demokratike? Qeveri e, qeveri teknike, apo caretaking government, siç është edhe modeli i Maqedonisë. Nuk po kërkojmë modele të vendeve të zhvilluara, po kërkojmë një model siç e kanë vendet e rajonit.

Patjetër që korrupsioni i Belinda Ballukut, që nuk është një gjë e re, të gjithë e kanë ditur, gjithë shqiptarët e kanë ditur, po tashmë më së fundmi, edhe SPAK-u vendosi që të, ta, që publikisht të, të kërkonte me një kërkesë në parlament, të dërgonte dosjen për Belinda Ballukun, që deri më sot, pavarësisht ë, asaj që ishte në dijeni dhe pavarësisht kallëzimeve të njëpasnjëshme nga Partia Demokratike, SPAK-u nuk ishte afruar tek Edi Rama. Tashmë, SPAK-u po afrohet, po e rrethon, si të thuash, Edi Ramën. Po i afrohet te njerëzit që ka afër Edi Rama. Me kërkesën që çoi në parlament për heqjen e imunitetit, duke i argumentuar Këshillit të Mandateve dhe Parlamentit që është e domosdoshme menjëherë të hiqet imuniteti i Belinda Ballukut.

Pse? Për ndërhyrjen në tendera, për barazinë në tendera dhe rrjedhimisht abuzimin dhe korrupsionin në tendera, duke filluar nga, nga tuneli i Llogarasë, dhe duke i shtuar edhe 10 apo 11 akuza të tjera, që në total bëjnë 1.1 miliardë euro abuzime nga Belinda Balluku, të siguroj që janë shumë më tepër se kaq abuzime nga Belinda Balluku që ka pas Edi Ramën. I kërkoi pra që t'i hiqet imuniteti. Sigurisht, Edi Rama është pas të gjitha aferave korruptive. Dhe me pengesën që i bëri për javë e javë të tëra parlamentit, për heqjen e imunitetit të Belinda Ballukut, dhe sidomos me amendimin që ka çuar tashmë zyrtarisht në parlament, për, për sigurimin e super imunitetit të Edi Ramës, pra, bëhet për Edi Ramën, jo për Belinda Ballukun, po për Edi Ramën, praktikisht është një amendim që bëhet për emra të veçantë.