Flash News

Evazioni i rigonit që ktheu Muçin në meme

Edi Rama kundër popullit, ‘në emër të popullit’

Shembet me tritol ndërtesa e fundit në Theth, tymi mbulon zonën

Pushteti vendor nën diktatin e Ramës, Afrim Krasniqi për Politiko: Devijim nga demokracia dhe Kushtetuta, institucionet heshtin

Merr flakë në ecje autobusi në Gjirokastër-Sarandë

Ditari i Opozitës

"SPAK si aktor politik"/ Kalaja: Vepron vetëm mbi mesazhet që nis Edi Rama

Politiko 20 Qershor 2025, 11:30

"SPAK si aktor politik"/ Kalaja: Vepron vetëm mbi mesazhet

Avokatja Adriana Kalaja, ka komentuar këtë të premte zhvillimet më të fundit politike në lidhje me zgjedhjet e 11 Majit, dhe qasjen që ka pasur Prokuroria e Posaçme ndaj rastit.

E ftuar në Syri TV, Kalaja është shprehur se SPAK nuk po ndërmerr asnjë veprim lidhur me denoncimet e bëra për manipulim të procesit zgjedhor. Ajo thotë se me këtë qëndrim SPAK po legjitimon të gjitha akuzat e ngritura, ndërsa e ka cilësuar këtë të fundit si një aktor politik.

Më tej Kalaja ka ngritur akuza se sipas saj është kreu i qeverisë Rama ai i cili vendos se cili duhet të shkojë në SPAK dhe cili jo. Sipas saj Porkuroria e Posaçme është tërësisht nën komandën e Ramës.

Pyetje: Çfarë po bën SPAK pas 11 majit, çfarë po bën konkretisht?

Adriana Kalaja: Mu s’më duket asgjë e re, nuk më duket asgjë të paktën edhe në zbatim të detyrave që ka SPAK. Është ajo loja e vjetër që të mbarojnë zgjedhjet dhe pastaj në të bëjmë sikur po luftojmë krimin zgjedhor sidomos, sepse jemi edhe afër zgjedhjeve. Dhe nga ana tjetër mënyra se si vepron SPAK-u legjitimon të gjitha akuzat e ngritura nga në se nuk ka në asnjë moment për qëllim zbardhjen e krimit zgjedhor por edhe të korrupsionit apo krimeve të tjera për të cilat ne në fakt kemi disponuar me mbi 80 kallëzime penale. Dhe nga ana tjetër vijon por tashmë nuk e di se çfarë ka ndodhur. Mbase është edhe ky fuqizimi i pushtetit të Edi Ramës që ata nuk kanë më as turp as cipë që ta fshehin, atë që e bënin për shembull, që e bënin pak me ndroje, jo me kaq arrogancë në sytë e publikut. Për shembull që të vonosh për një periudhë 60 ditore masat e arrestit për grupin e Durrësit ose rasti i Benet Becit që në nëntor të 2024. Ndërkohë që SPAK e dinte shumë mirë që Beci ishte caktuar edhe drejtues politik i Shkodrës. Kë të marrim të analizojmë. A kanë ndonjë dallim midis asaj që ndodhi me atë që ndodhi në 2021. Pra Ramës, për kaq i duhen. Rama ka dy këndvështrime. Dhe në këto dy qëllime, partneri kryesor i tij është SPAK-u. Se pari ai ka qëllimin kryesor të fitojë zgjedhjet dhe së dyti shpëlarjen e trurit të popullatës për të thënë që ja, kush shkel ligjin në nuk ndërhyjmë, është drejtësia e pavarur. Pra të dyja këto më së miri i ka realizuar për hir të së vërtetës dhe unë e kam deklaruar në këtë studio, vazhdoj ta deklaroj çdo gjë në SPAK veprohet vetëm mbi mesazhet që i nis Edi Rama.

Pyetje: Pra një aktor tjetër politik praktikisht?

Adriana Kalaja: Është aktori më i rëndësishëm në fakt dhe nuk ka nevojë Rama as për koalicion me parti të tjera, as për forcimin e elementëve të devotshëm apo njerëz me integritet brenda partisë. Rama ka një skemë të qartë që të marrë njerëz të mbështetur nga krimi të marrë njerëz që listën e bën krimi dhe në fund të zgjedhjeve me teorinë e vetëpastrimit, se kështu e kanë komunistët, dorëzo në SPAK ato që do ai. Pra aspak më shumë se çdo Edi Rama. Unë nuk e di se si e kanë kurajën. Për mua është një paturpësi e madhe reagimi i organizatave ndërkombëtare të cilët vlerësojnë punën e SPAK. Sepse unë jam e gatshme që të analizoj të gjithë dosjet e SPAK dhe të shikojmë se çfarë problemesh të rënda ka dhe se çfarë problemesh të rënda lidhen me problemet e të drejtave të njeriut. Çfarë shkelje të rënda kushtetuese ka. Janë të gjitha çështje që rrezikojnë të fitohen në Gjykatën e Strasburgut, duke krijuar një problematikë shumë të madhe jo vetëm me përformancën e drejtësisë por mbi të gjithë edhe ,me buxhetin e shtetit, se janë para që do të paguhen nga ne dhe nga ana tjetër në qoftë se i referohemi qoftë edhe krimit të organizuar, unë nuk di një dosje që të jetë produkt i SPAK-ut. Pra çdo dosje vjen nga partnerët dhe edhe në këtë rast përveç opozitës, po marr për krimin e organizuar SPAK çfarë bën. Pritet të merret fitorja e radhës dhe pastaj vepron.

Të fundit