Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Spastrimi i bregdetit, Ademi: Në Velipojë vetëm 4 subjekte me leje, të tjerat në proces, duhet të menaxhohet nga pushteti vendor

Politiko 1 Korrik 2021, 12:33

Spastrimi i bregdetit, Ademi: Në Velipojë vetëm 4 subjekte me

Kryetarja në detyrë e Bashkisë së Shkodrës, Voltana Ademi ka reaguar lidhur me aksionin e Policisë së Shtetit për spastrimin e vijës bregdetare nga zaptimi i bizneseve.

E fokusuar në plazhin e Velipojës, Ademi tha se në një prononcim për mediat se vetëm 4 subjekte janë pajisur me lejen e posaçme për stacionet e plazhit. Pjesa tjetër e bizneseve, sipas kryebashkiakes, janë në proces të marrjes së lejes ose kanë marrë një leje paraprake.

“Unë kam pasur një komunikim me drejtorinë e policisë vendore i kam informuar se situate është e paprecedente sepse kontrolli bëhet joefektiv kur në të gjithë plazhin e Velipojës janë vetëm 4 subjekte që kanë marrë leje për stacionet e plazhit. Ndërkohë shumë të tjerë, me dhjetra janë akoma në proces. Ministria nuk ka përfunduar ashtu siç do duhej ta kishte bërë për ndarjen e stacioneve të plazhit” – tha Ademi.

Sipas Ademit, policia po përdor një praktikë të gabuar, pasi operacioni mund të bëhej pa përdorur presion publik dhe duke bashkëpunuar me pushtetin vendor. Kryebashkiakja shtoi më tej se kjo situatë është krijuar nga vonesa e përcaktimit të lejeve për stacionet e plazhit, duke thënë se kjo lë vend për dyshime korrupsioni dhe dëmton sezonin turistik.

“Ka një mënyrë për të bërë operacionin pa përdorur presionin publik. E para që duhet të bëjmë, me një bashkëpunim të afërt me pushtetin vendor, të marrin informacionin që duhet. Ne dimë shumë mirë territorin, kush është në proces dhe kemi ato që kanë firmosur kontratën. Nga ana tjetër në çdo kontratë që vjen nga Ministria, ne bëjmë verifikimin në vend, dhe nëse konstatojmë mosmarrëveshje ne ja komunikojmë për drejtorinë e përgjithshme të policisë që ata të bëjnë ndërhyrje. Mendoj që ndërhyrja e policisë siç po e bëjnë, nuk është korrekte. Ne kemi bërë aksione të lirimit të plazheve por janë në proces të firmosjes së kontratave. Fakti që është kaq vonë lë vend për dyshime korruptimi dhe dëmton sezonin turistik. Ndërhyrjet e këtij lloji duhet të jenë të studiuara” – tha kryebashkiakja.

Sipas Voltana Ademin, menaxhimi i situatës nga pushteti vendor ka dhënë më shumë rezultate se sa menaxhimi në një nivel më të lartë, pasi në korrik mos të kemi përfunduar ende ndarjen e stacioneve të plazhit. Duke e lidhur me ngjarjen tragjike në Velipojë ku mbetën të vrarë 4 persona, ajo tha se vjen pikërisht nga ky keqmenaxhim që po i bëhet.

“Ne kemi informacione informal që i kemi transferuar. Nga informacionet e djeshme, nuk është referuar asnjë ankesë e tillë. Duke pasur qëllimin e mirë por edhe merakun e madh që gjithçka të jetë e qetë në Velipojë, Bashkia e Shkodrës do të informojë në çdo rast të gjitha institucionet për çdo gjë që verifikon në territor. Çdo kontratë që ka nevojë për ndërhyrje në territor do bëjmë dhe ne tonën. Kur flasim si dhe sa ishte një shërbim, flasim për performancë, kështu matet puna. Nuk ka ndodhur që në korrik mos të kemi përfunduar ende ndarjen e stacioneve të plazhit. Ne zakonisht në korrik kemi vijuar me monitorimin e zbatimit të kontratave. Në 4 vite që është administruar në pushtetin vendor, nuk kemi pasur të shënuara ngjarje të tilla të rënda. Kjo përbën një akuzë dhe unë e nënvizoj. Fakti që ka mosmarrëveshje të tilla është një tregues i mirë që çdo gjë territoriale duhet të menaxhohet në nivelin territorial ashtu siç e përcakton ligji. Çdo përpjekje për marrjen e kompetencës, sjellë këto konflikte” – tha Ademi.