"Spitali Rajonal Dibër drejt kolapsit", ish-deputeti: Po rrezikohet jeta e qytetarëve, qeveria të marrë masa urgjente

Ish-deputeti i Partisë Demokratike Xhemal Gjunkshi ka ngritur si shqetësim infektimin e mjekëve në spitalin rajonal të Dibrës, çka sipas tij, po e çon shërbimin drejt kolapsit.

Ai bënë me dije se qytetarët paraqiten në spital vetëm për raste urgjente, pasi kanë frikë mos infektohen me covid-19. Gjunkshi i ka bërë thirrje qeverisë të marrë masa urgjente dhe të parandalojë përkeqësimin e mëtejshëm të situatës.

Postimi i plotë:

Spitali Rajonal Dibër drejt kolapsit !

COVID-19 mbërthen stafin shëndetësor të spitalit!

COVID-19 nuk ka kursyer as stafin mjekësor të Spitalit Rajonal të Dibrës. Katër mjekë të specialiteteve të ndryshme janë infektuar me COVID-19 dhe janë karantinuar.

Disa të tjerëve u kanë marrë tamponin dhe janë në pritje të përgjigjes .

Qytetarët e Peshkopisë dhe Bulqizës që merrnin shërbim në Spitalin Rajonal , çdo ditë e më pak vijnë nga frika se mund të infektohen .

Në spital paraqiten vetëm raste të rënda që kanë nevojë për ndërhyrje kirurgjikale , ndërsa shtrimet në pavione janë të pakta ... aq sa numërohen me gishtat e një dore ! Fatmirësisht COVID-19 nuk ka prekur kirurgët , pasi edhe ato pak urgjenca nuk do të merrnin ndihmën e parë.

Trajtimi i rasteve me COVID-19 në ambjentet e urgjencës është gabim fatal i drejtuesve të spitalit , pasi rrezikohen jo vetëm stafi mjekësor por edhe qytetarë të tjerë që shkojnë në urgjencë për patologji të tjera.

Mungesa e një pavioni infektiv ku pacientët të ndihen komod dhe të qëndrojnë si njerëz , që mjekët dhe stafi mjekësor të mos rrezikojnë jetën duke u infektuar me COVID-19 është përgjegjësi e drejtuesve të spitalit dhe Ministrisë së Shëndetësisë.

Gjej rastin të uroj të gjithë stafin mjekësor që janë vetëizoluar, t'ia kalojnë sa më lehtë dhe shërim të shpejtë , pasi misioni për tu shërbyer qytetarëve i pret !

Vlerësoj maksimalisht punën e bërë nga të gjithë, stafi i mjekëve dhe infermierëve të cilët janë përballur me këtë sëmundje të rëndë pa kushtet minimale dhe pa mbështetjen e merituar financiare .

I kërkojmë qeverisë që në mënyrë urgjente të marrë në konsideratë kërkesat që opozita i sugjeron prej kohësh në luftën ndaj COVID-19 .

Të mos kemi rritje të infektimeve !

Të mbrojmë dhe mos rrezikojmë asnjë punonjës të bluzave të bardha !

Të mos kemi asnjë humbje jete !

Lusim Zotin ti mbrojë bluzat e bardha dhe gjithë qytetatët , pasi qeveria dhe shëndetësia falas nuk na mbron dot !