Strazimiri tregon "provën": Inspektimi i ujërave të zeza nuk është detyrë e ministrit të Mbrojtjes, u përdor për fushatë

Ish-deputeti Demokrat Gent Strazimiri ka reaguar lidhur me përdorimin e helikopterit të FA-së nga ministrja e Mbrojtjes, Olta Xhaçka. Kjo e fundit shkruan në rrjete socilale se ka inspektuar kanalizimet të ujrave të zeza në Burrel, por Strazimiri  i kundërpërgjigjet duke thënë se kjo nuk është kompetencë e ministrit të Mbrojtjes.

Ai shton se kjo është përdorur vetëm për fushatë dhe se kostoja e tij mund të ishte vendosur në funksion të përballimit të situatës së pandemisë.

Postimi i plotë:

Më në fund, Olta Xhaçka u detyrua të pranojë publikisht se e ka përdorur si taksi helikopterin e FA, për të shkuar në Dibër të premten e kaluar.

Por si gjithmonë kur kapen në flagrancë, thonë “nuk është ashtu siç duket”...

"Inspektimi i ujërave të zeza", nuk ka qenë KURRË "detyrë funksionale e Ministrit të Mbrojtjes",

*as në Shqipëri,

*as në vendet NATO,

*madje as në Afrikë!

Helikopterin-taksi të Forcës Ajrore, ndryshe nga ç'thotë zëvendës-xhaçku, e siç e shkruan vetë xhaçka, po e përdorin për

* "Shqipëria që duam"

dhe

* "Mati që duam",

dhe as njëra e as tjetra nuk hyjnë në "detyrat funksionale të Ministrit të Mbrojtjes", por janë slogane elektorale të "Rilindjes"!

Me 10 mijë eurot e vetëm një rruge të helikopterit-taksi Tiranë-Burrel, mund të ishin blerë disa mijëra teste anti-covid, ose disa qindra respiratorë...

Por jo!

Këta thjesht nuk duan t'ia dinë nëse jetoni a vdisni... njësoj si në 1980...

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm