Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Subjekt i OFL-së ish-kreu i PS, i dënuar për vrasje, reagon PD: Tallen me ligjin, ta gjejë dhe ta çojë para drejtësisë

Politiko 27 Tetor 2020, 16:41

Subjekt i OFL-së ish-kreu i PS, i dënuar për vrasje, reagon PD:

Vjen reagimi i PD pasi OFL i dërgoi formularin e deklarimit të pasurisë Llazar Bicjas, pjesëtar i bandës së Cërrikut dhe i dënuar për vrasje.

Ish-deputeti Endri Hasa e ka cilësuar aktin e OFL-së si një shfaqje të turpshme, pasi sipas tij se në vend që ai të arrestohet e të vuajë dënimin, në arrati merr formularin nga OFL-së.

"OFL po vepron si një grup kllounësh që tallen me ligjin dhe me qytetarët.

Kjo që kanë bërë në Cërrik me gjoja pasurinë e Llazar Bicjes është vetëm një shfaqje e turpshme.

Ky është një nga vrasësit e gardistëve në 97-ën. Prej atëherë jeton në arrati, nuk e ka vuajtur kurrë dënimin. Në vend që ta gjejë dhe ta çojë para drejtësisë, OFL i kërkon burimin e pasurisë një vrasësi në arrati, duke u bërë një trupë qesharake dhe joserioze.

Kur policia shndërrohet në trupë gaztorësh, nuk mund të pritet prej saj që të veprojë si institucion i zbatimit të ligjit.

Shqipëria e Edi Ramës është vendi i vetëm në botë ku policia është e pamëshirshme, kur vjen fjala për të shembur Teatrin dhe bën teatër me rendin dhe zbatimin e ligjit”, shkruan Hasa.

Llazar Bicja, rezulton i dënuar nga gjykata me 14 vite heqje lirie, si njëri nga personat që kishte organizuar vrasjen e 5 gardistëve Besnik Sula, Halit Haxhia, Bashkim Mnella, Sali Martini dhe Petrit Ndoi.

Bicja, gjatë periudhës kur ka ndodhur masakra e Cërrikut në Maj 1997, ka mbajtur postin e Kryetarit të Partisë Socialiste në këtë qytet. Sipas akuzës ai ka qenë njeriu që ka bashkëpunuar me persona të armatosur dhe organizuar pritën ndaj autokolonës së Gardës së Republikës.

Pas marjes së vendimit të dënimit, Llazar Bicja, duhet të vetëdeklarojë pasurinë e tij përpara oficerëve të OFL-së. Ndërkohë një tjetër emër që OFL-ja ka kërkuar të vetëdeklarojë pasurinë është Bledar Ibrahimi.

Ai u dëbua nga Italia drejt Shqipërisë në vitin 2016, por u rikthye aty pas një urdhër-arresti ndërkombëtar të lëshuar nga autoritetet e drejtësisë Italiane. Në atë kohë u zbuluan lidhjeve të tij me elementë radikalë si dhe kishte dyshime për vendosje të kontakteve me Shtetin Islamik.

Të fundit