Flash News

Dalin shifrat nga KQZ: 42.16% e shqiptarëve brenda vendit votuan në zgjedhjet parlamentare

Nis numërimi i votave në Pustec, përfshihen edhe votat e diasporës

Zyra sekrete e patronazhistëve të PS, mes tyre drejtoresha e Agjencisë së Ekselencës

Me kapuç në kokë/ PD publikon videon e patronazhistëve që ikin me vrap

Zgjedhjet 2025, përfundon zyrtarisht orari i votimit

Ditari i Opozitës

Sula kritik: Ç'kemi bërë ne deputetët që të na rritet rroga? Qytetarëve po iu japim lëmoshë

Politiko 25 Maj 2023, 13:48

Sula kritik: Ç'kemi bërë ne deputetët që të

Deputeti i PD-së, Dashnor Sula është shprehur kritik ndaj projektligjit për rritjen e pagave, përfshirë atë të deputetëve dhe ministrave.

Sula tha nga foltorja e Kuvendit se nuk ëhstë kundër rritjes, por jo në shifra kaq të larta. Demokrati tha se ka plot deputetë që i kanë shërbyer vendit, por çfarë kanë bërë ata si majtas e djathtas për të merituar një rritje në 1.6 milionë lekë.

Sula tha se qindra shqiptarë po ikin përditë, e teksa deputetët kërkojnë rritje rroge, qytetarët po marrin lëmoshë.

“Më vjen turp që jam pjesë e këtij parlamenti që përdoret nga mazhoranca. Dolën këtu dhe folën, bënë propagandë dhe atakuan opozitën, dhe nuk u kujtuan të thonë një fjalë për rritjen e rrogave. Nuk jam kundër rritjes së pagave, por kundër rritjes në këto shifra kaq të mëdha.

Po ndalem tani të pozicionet e larta në administratë. Dua të flas vetëm për deputetët dhe ministrat. Ka këtu në parlament deputetë që i shtojnë vlerën këtij institucioni, ka deputetë që janë shtetarë të vërtetë, majtas dhe djathtas dhe që të jem i sinqertë e meritojnë edhe me shumë se 3.1 milionë sa ç’po ua bëni sot.

Ka të tjerë që e bëjnë të turpshëm këtë institucion. Siç e ka treguar koha, në mëngjes kane ngritur dorën për të votuar ligje, darka i ka zënë në qelitë e burgut. Ka nga ata qe mbajnë familjen me këtë rroge, sikundër ka edhe nga ata qe t’i pyesësh sot këtu, nuk e dine sa e kane rrogën e deputetit.

Po çfarë kemi bere ne, majtas e djathtas, qe brenda ditës te na rritet rroga me 1.6 milionë leke? Po flas vetëm për rrogën, se po te fus këtu edhe dieta, karburant e telefona qe marrim, e kalon 2 milionë kjo rritje.

E kemi bere këtë vend te jetueshëm? Jo, qindra po ikin për dite. E kemi luftuat korrupsionin? Jo, ne çdo raport vetëm nxijmë. A kemi votuar për t’i dhënë dinjitet mësuesve, mjekeve, infermiereve, pensionisteve? Jo, po u japim lëmoshë çdo vit”, tha Sula.

Të fundit