Flash News

U arrestua pak metra larg SPAK, Prokuroria e Posaçme kërkon17 vite burg për ‘bosin’ e drogës

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

Ditari i Opozitës

Sula: Kulla në mes të Tiranës ka pronar një 23-vjeçar

Politiko 1 Qershor 2023, 21:44

Sula: Kulla në mes të Tiranës ka pronar një 23-vjeçar

Deputeti i Partisë Demokratike Dashnor Sula deklaron se ekonomia në vend po mbahet nga krimi i organizuar dhe shitja e kokainës.

I ftuar në studion e emisionit “Frontline” në Neës24 ai mori shembull një kullë në mes të Tiranës, që sipas tij ka pronar një 23-vjeçar.

Sipas tij ekonomia në vend po mbahet nga krimi i organizuar dhe shitja e kokainës, që më pas sjellin dhe ndërtimin e kullave që nuk justifikohen.

“Nëse nuk mendojnë për të ardhmen e shqiptarëve le ta lënë Shqipërinë në dorën e regjimit. Ta garantoj një gjë. Nëse nuk ndodh bashkimi i opozitës u garantoj se në vitin 2025 demokratët të mos gënjehen se do fitojnë pushtet, por do jenë keq e më keq. 14 maji ishte shenjë paralajmëruese për të gjithë. Me kaq gjynahe sa ka kjo qeveri, njerëzve u duken të gjithë njësoj dhe të gjithë cilësohen të këqij. Pyetja është pse opozita nuk ngre frymën dhe revoltën brenda qytetarëve.

Si mund të humbet Kukësi, Shkodra, Tropoja, Dibra, Kamza, etj. Si mund të humben këto bastione. Pse nuk i humb PS bastionet. Sepse dinë të punojnë bashkë edhe pse bëjnë pisllëqe. Ne nuk e kemi atë frymë, Nuk them se duhet të ikë Berisha dhe do fitojmë. Zgjidhja është vetëm bashkimi i opozitës.

Ditën e martë do bëj një apel miqësor të gjithë anëtarëve të PD të ngrihen në lartësinë e duhur dhe jo të interesave individuale. Rithemelimi duhet të kuptojë se nuk i ka të gjithë njerëzit, por edhe ne morëm vota prej siglës. Duhet të ketë bashkim. Është çmenduri nëse vijojmë kështu dhe presim rezultate të ndryshme.

Unë do kontribuoj për shoqatën e jetimëve në Peqin, nuk tërhiqem nga ajo që them. Këtë e bëj me kënaqësi. Dua të sqaroj se nuk kam qenë kundër rritjes së pagave sepse ka njerëz që e meritojnë, por ka dhe të tjerë që s’e dinë fare sa lekë marrin dhe nuk e meritojnë të jenë në ato karrige. Nuk e vjen e keqja këtij shteti nga pagat e administratës, por nga korrupsioni dhe vjedhja. Nëse nuk ka korrupsion ka aq shumë para për të gjithë. Ka deputetë dhe ministra që e shohin kryeministrin dhe lëpihen sikur është Krishti apo Muhamedi. Më përzihet kur e shoh këtë. E respektoj kryeministrin, por ata nuk janë zotër dhe gabojnë. Në momentin që ti lëpihesh dhe i bën mesazhe dashurie kryeministrit vijmë në këtë situatë.

Ekonomia në Shqipëri mbahet nga tregu i kokainës dhe drogës e krimit. Fakti që janë rritur depozitat në euro e tregon. Ndërtohen kulla në mes të Tiranës dhe nuk verifikohet nga shteti, ku një 23-vjeçar ndërton kullë pa marrë një kredi. Nuk mund të mbahet një ekonomi në këtë formë”, u shpreh ai.

 

Të fundit