Flash News
Berisha: Ishim opozita e parë që kërkuam anëtarësimin në NATO pas rënies së komunizmit
Lirohet nga qelia ish-kryebashkiaku i Fushë Arrëzit, Fran Tuci
Konstituimi i grupit të dialogut PD-PS, Bylykbashi: Prioritet është Reforma Zgjedhore
Konstituohet grupi i dialogut mes opozitës dhe mazhorancës për ‘Reformat’
Tragjikomedia e AADF me Butrintin: Një i panjohur do të drejtojë bordin shkencor të fondacionit
Sula: Në 7 korrik do protestoj bashkë me familjen, s'ka rëndësi kush e organizon
Deputeti i PD-së Dashnor Sula thotë se në 7 korrik ka shumë arsye për të protestuar.
Në një intervistë për Ora Neës, Sula thotë se nuk i intereson se kush e ka thirrur këtë protestë, por do t’i bashkohet me familjen dhe të afërmit e tij.
“Unë do të dalë në protestë së bashku me të gjithë njerëzit e mi të afërm.
Mua nuk më intereson se kush e thërret, unë dalë në protestë. Kur në këtë vend ka drejtësi, nuk më interesojnë gjërat tjera. Qeveria po i ulë çmimet se është protesta më 7 korrik. Kjo qeveri paratë që merr nga taksat tona nuk i çon të rishpërndaj te shtresat shoqërore që preken jashtëzakonisht, por i shpërndan te tenderat, te personat që përfitojnë. Ne jemi vendi i fundit në Europë dhe rajon përsa i përket konsumit”, tha Sula.
Ai tha se është i bindur se kjo protestë po zhvillohet për shkak të kërkesave të pastra ekonomike.
“Jam i bindur se kjo protestë është në kërkesa të pastra ekonomike, ndoshta mund të jetë rasti i parë do të thosha për 32 vite një protestë ekonomike. Protesta ekonomike është më e legjitimuar si asnjë herë më parë.
Është vrarë nervi i protestës, kemi të bëjmë me një shoqëri të frustruar, një shoqëri të intimiduar. Politika është në nivelet më të ulëta të besueshmërisë. Përgjatë këtyre 30 viteve politike kemi këtë elitë politike qarkullon dhe këto problematika shfaq”, thotë Sula.