Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Tabaku: Atmosfera ndaj PD në Bruksel ka ndryshuar, ja çfarë i thashë deputetit Krischbaum

Politiko 21 Janar 2025, 22:33

Tabaku: Atmosfera ndaj PD në Bruksel ka ndryshuar, ja çfarë i

Deputetja e Partisë Demokratike, Jorida Tabaku ka folur për situatën në të cilët ndodhet aktualisht Partia Demokratike sipas këndvështrimit të saj.

E ftuar në Syri tv, Tabaku u shpreh se atmosfera në Bruksel apo përgjithësisht jashtë vendit, ka ndryshuar ndaj Partisë Demokratike, duke u kthyer në pozitive.

Gjithashtu deputetja e PD-së, tregoi edhe debatin që kishte pasur me deputetin gjerman, Gunther Krichbaum. Tabaku u shpreh, se deputeti kishte informacione të gabuara për realitetin në PD.

‘Qëllon në politikë që edhe gabon dhe që e mendon ndryshe për një moment të caktuar, por e rëndësishme është që gjithmonë është të mendosh më të mirën.

Unë mendoj se sot, më e mira në PD, ashtu siç mendoja dhe dje e kam menduar edhe më parë, është që PD-ja, bashkë, sot me këtë realitet të ri dhe para zgjedhjeve të 11 majit, ka sfidën e radhës dhe çdo gjë e hedhur pas shpine, ajo që ka ndodhur le të shërbejë për ta forcuar dhe për ta ngritur partinë.

Krischbaumi i thashë se, në deklaratën e tij mund të kishte të pavërteta. Gjithkush mund të ketë qëndrimet e tij dhe unë nuk e gjykoj. Është e tepërt për një parti politike, dhe unë kam thënë që nuk ka pse askush të përfshihet në debatin e PD, nëse i konsumojmë energjitë ti konsumojmë ndaj kundërshtarit dhe jo ndaj njëri-tjetrit dhe e dyta, informacioni që kishte Krischbaum nuk ishte i vërteti dhe i sakti edhe për realitetin e PD.

Atmosfera në Bruksel ka ndryshuar ndaj PD, jo përveç faktit se sot PD është pjesë e këtyre forumeve dhe ka mundësi të flasë dhe të ngrejë zërin për shqetësimet e saj. Që të jem e sinqertë, mazhoranca ka marrë shumë hapësirë që i takon opozitës, edhe në këto platforma jashtë. Edhe me këtë pushtetin që kanë uzurpuar platforma dhe forume, ata mund të kenë përfituar edhe nga mungesa jonë atje. Sa më shumë informacion që japim aq më mirë është. Edhe në Parlamentin Europian, kur u bë dëgjesa për zgjerimin, çështja kryesore që u ngrit atje, ishte Shqipëria, prej informacioneve që u ishte dhënë anëtarëve të komisionit të jashtëm. Një nga ata deputetët u ngrit atje në fund dhe tha se, është debati i parë me Komisionerin e Zgjerimit që nuk flitet për dialogun Serbi-Kosovë, por flitet për Shqipërinë, zgjedhjet, Ramën që ka përqendruar çdo pushtet. Flitet sot për një realitet që kërkon vëmendje’, deklaroi Jorida Tabaku .