Flash News

Ditari i Opozitës

Tabaku: Bashkia e Tiranës nuk është në ambiciet e mia

Tabaku: Bashkia e Tiranës nuk është në ambiciet e mia

Deputetja e Partisë Demokratike Jorida Tabaku është shprehur se Bashkia e Tiranës nuk është në ambiciet e saj, në zgjedhjet e ardhshme vendore të vitit 2023.

E ftuar në Report Tv, Tabaku tha se beteja që ajo bën është kundër Erion Veliajt dhe nuk e heq nga opozitarizmi. Demokratja u shpreh se do të bëjë gjithçka që bashkia e Tiranës të marrë kryetarin që meriton.

“S’dua të gënjej që PD sot është mirë, apo është gati për të marrë qeverinë. Unë kam fokus kryesor kundërshtarët. Besoj do ketë kohë për të diskutuar edhe për kandidatët. PD-ja do të jetë oferta opozitare e zgjedhjeve lokale. Unë kam qenë nënkryetar në bashkinë e Tiranë si zv.kryetare, por nuk është në ambiciet e mia Bashkia e Tiranës. Jam në parlament dhe më pëlqen shumë ajo që po bëj. Kjo nuk me heq mua të gjithë opozitarizmin që kam bërë dhe bëj kundër Erion Veliajt. Bashkia Tiranë meriton një kryetar bashkie të denjë dhe do jap kontributin tim që të jetë kryebashkiaku i ardhshëm të jetë i Partisë Demokratike”, u shpreh Tabaku.

Të fundit