Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Tabaku: Sulmet e Ramës ndaj gjyqtarëve të KLGJ, të papranueshme

Politiko 29 Gusht 2025, 21:28

Tabaku: Sulmet e Ramës ndaj gjyqtarëve të KLGJ, të

Deputetja e Partisë Demokratike, Jorida Tabaku, ka kritikuar deklaratat e kryeministrit Rama drejtuar gjyqtarëve. 

Në një lidhje për SyriTv, Tabaku e ftoi KLGJ-në të reagojë në kohë dhe të ndjekë standardet që ka ndjekur më parë, duke theksuar se qeveria po shkel rregullat dhe po favorizon interesat e veta.

Tabaku theksoi se qeveria Rama nuk mund të masë suksesin me fjalë, por vetëm me veprime, dhe historiku 12-vjeçar tregon një model të një qeverisjeje që shpesh vepron kundër ligjit dhe standardeve europiane.

"Sa i përket drejtësisë, unë kisha shpresuar që KLGJ të kishte reaguar në kohë dhe të ndiqte të njëjtat standarde që ka ndjekur edhe për raste të tjera dhe shpresoj që kjo të ndodhe në të ardhmen në fakt. Drejtësia nuk ka dy qëndrime dhe nuk ka 2 fytyra dhe 2 faqe. Me pëlqen mua vendimi dhe nuk e komentoj, nuk më pëlqen mua vendimi dhe e sulmoj.

Duhet të ketë vetëm një standard, ose nuk komentojmë, nuk ndajmë absolutisht asnjë shqetësim, nuk sulmojmë, ose atëherë kemi standardin ku sipas oreksit, drejtësia sipas pëlqimeve herë preferohet e herë jo.

Mua sulmet në këtë rast ndaj gjyqtarëve të cilët kanë vendosur ndryshe nga qeveria, janë jo vetëm të papranueshme, por edhe pakonceptueshme në situatën ku ne ndodhemi. E kam konsideruar intimidim, e kam konsideruar presion dhe shpresoj që KLGJ të marrë masda dhe të reagoje më shpejt në kohë.

Sa i përket inceneratorëve, për herë të parë kur doli si aferë në vitin 2017-2018, opozita e kundërshtori jo vetëm sinjë aferë korruptive, por edhe si jo në përputhje me standardet e bashkimit evropian, këtë gjë tha edhe progress raporti: incenerimi, unë citoj, është mënyra më pak e preferuar e menaxhimit të mbetjeve dhe kjo ka qenë për 6 vjet me radhë në progress raporte.

Ka qenë e kundërshtuar nga to, i është thënë qeverisë shqiptare që nuk është ky drejtimi ku duhet të shkoni, qeveria shqiptare me kokfortësi vendosi që të shkelë standardet.

Së në fakt opozita matet nga fjalët, por qeveria matet nga veprat, ne kemi një historik 12-vjeçar, nuk është se kanë ardhur sot në pushtet dhe të na thonë se e kanë sot këtë strategji", tha Tabaku.

Të fundit