Flash News

Berisha vlerëson raportin e OSBE: I kanë rrëzuar përtokë zgjedhjet

Gjykata e Lartë kthen për rigjykim ankimimin e Arbër Veliajt

Goditet Call Center-i në Tiranë/ Në pranga një nga organizatorët dhe 6 punonjës

Sherri me leva dhe të shtënat me armë në Tiranë, policia reagim zyrtar

“Mbrojmë votën”, Berisha zbulon sloganin e protestës së 16 Majit

Ditari i Opozitës

Tabaku mbetet jashtë, dera kryesore e PD hapet vetëm për Bashën. Hiqen gjurmët e Berishës nga korridoret e selisë

Politiko 5 Janar 2022, 12:24

Tabaku mbetet jashtë, dera kryesore e PD hapet vetëm për

Dera kryesore e selisë blu tashmë është e hapur vetëm për kryedemkokratin Lulzim Basha. Ka qenë nënkryetarja e kësaj force politike, Jorida Tabaku që ka tentuar të hyjë sot nga dera kryesore, por ajo ka qenë e mbyllur dhe askush nuk ia ka hapur.

Gazetarët që janë të vendosur pranë selisë blu kanë treguar se Tabaku bëri një telefonatë, ndoshta njoftoi dikë për t'i hapur derën dhe më pas hyri brenda godinës nga dyert anësore.

Nga ana tjetër punimet për ta ndryshuar godinën vazhdojnë. Pas ndryshimit të "fytyrës", ku dyer dhe xhama u veshën me letër adeziv që mbante logon e PD, riorganizimi është zhvendosur në brendësi të selisë.

Në media po qarkullojnë lajme se në korridorin e katit të parë të godinës janë hequr disa foto të mëdha, që paraqesin momente të suksesshme të qeverisë së ish-liderit Sali Berisha, si futja në NATO, apo inaugurime të veprave të rëndësishme.

Gjithashtu thuhet se ambientet e brendshme po lyhen me bojë. Basha po tenton të largojë nga shtëpia e demokratëve çdo gjurmë të Berishës. Sot përfundoi afati i vendosur nga Berisha për Bashën, që ky i fundit të largohet nga zyra.

Ndërkohë më 8 janar, Berisha do të zhvillojë një protestë para selisë. Më herët, mbështetësit e ish-liderit kanë denoncuar se Basha ka ndërruar bravat e dyerve të selisë.

 

Të fundit