Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Tabaku me tone të ashpra: Shqiptarët nuk janë budallenj, korrupsioni u thellua pas ngritjes së SPAK

Politiko 22 Shtator 2022, 10:50

Tabaku me tone të ashpra: Shqiptarët nuk janë budallenj,

Në seancën plenare që është duke u zhvilluar po diskutohet për Reformën në Drejtësi. Deputetja demokrate, Jorida Tabaku u shpreh se qytetarët janë të vetëdijshëm se reforma nuk prodhoi efektin e pritshëm.

Ajo theksoi se temë diskutimi duhet të ishte largimi masiv i shqiptarëve, që sipas saj, po largohen se kanë humbur shpresën te politika, drejtësia dhe se janë në varfëri.

Tabaku u shpreh se korrupsioni është thelluar akoma më shumë që kur është krijuar SPAK sepse qeveria flet me gjuhën e shantazhit.

Deputetja u ndal edhe tek e ashtëquajtura aferë e inceneratorëve, duke kërkuar që instiucionet e drejtësisë duhet të tregojnë guxim.

“Temë debate do të ishin mjetet lundrues që çojnë të rinjtë në Mbretërinë e Bashkuar. Ky parlament nuk e ka luksin të heshtë më për një tjetër formë biznesi dhe industrie që reklamon në rrjetet sociale si mund të shkojë një shqiptar jashtë vendit. Ky parlament nuk diskuton pse ndodh ky fenomen, pse ikin shqiptarët nga një vend që nuk ka as luftë civile. Vallë po ikin sepse në këtë vend shohin korrupsionin që ha dhe pi me qeverinë çdo ditë. Janë qytetarë që nuk shohin shpresë sepse e kuptojnë që janë skllevër të një oligarkie. Shqiptarët nuk janë budallenj.

Sot përgjigjen e shoh te politika, te mungesa e tregut të lirë, te mungesa e drejtësisë. Te paaftësia jonë për të ndërtuar një shoqëri për shqiptarë. Ku është sot drejtësia që aq shumë e kërkuam? Afera e inceneratorëve vazhdon dhe merr para nga buxheti i shtetit.

Si ka mundësia që drejtësia hesht edhe pse afera është vërtetuar me zë dhe figurë. Drejtësia hesht kur ministra dhe ish ministra kanë shkelur ligjin për të ndihmuar Klodian Zoton dhe Stela Gugallen? Ka një arsye pse sot drejtësia ka më shumë maliqin dhe politikën se ligjin. Maxhoranca vendosi ta shkallmonte konsesusin në kurriz të drejtësisë. Anëtarët e maxhorancës do dalin të reklamojnë si kanë arrestuar dy ish ministra dhe një deputet. SPAK po kërcënohet të mos hetojë ashtu si duhet. Reformën në Drejtësi e votuam që shqiptarët të marrin drejtësinë.

Që drejtësia të veprojë njësoj për qytetarin dhe mikun e deputetit. Korrupsioni është thelluar më shumë që nga dita kur u krijua SPAK. Nuk është rastësore. Qeveria ka zgjedhur ta sulmojë SPAK-un. Nuk ka qeveri të shëndetshme nëse nuk ka drejtësi. Ne nuk kemi kompleks që të hetohemi të gjithë. SPAK duhet të tregojë guxim dhe maxhoranca duhet të mbajë larg duart nga drejtësia. Tani qeveria tenton të fusë duart për të zgjedhur kreun e ri të SPAK-ut. Prandaj ikin shqiptarët sepse drejtësia e munguar vret shpresën. Mendoj dhe gjykoj që kjo reformë në drejtësi të mos dështojë duhet mbështetur në parime”, tha Tabaku.