Flash News

Përfshihet nga flakët makina në Bulqizë, shpëton shoferi dhe pasagjerët

Zjarr në Berat, përfshihet nga flakët një sipërfaqe me shkurre

Emigranti shqiptar i nxori nga lumi, dy fëmijët nuk ia dalin dot, pësojnë vdekje klinike

SPAK do të paraqiste raportin dymujor për hetimet ndaj Veliajt, shtyhet seanca në GJKKO

I dënuar me 12 vite burgim për grabitje në Tetovë, kapet në Durrës shqiptaro-maqedonasi

Ditari i Opozitës

Tabaku pas seancës në Gjykatën Kushtetuese: Betejë kundër sistemit korruptiv të qeverisë socialiste!

Politiko 19 Qershor 2024, 11:11

Tabaku pas seancës në Gjykatën Kushtetuese: Betejë

Një ditë pas seancës në Gjykatën Kushtetuese për Profesionet e Lira deputetja e Partisë Demokratike, Jorida Tabaku, ka postuar në rrjetet sociale një video mesazh drejtuar shqiptarëve mbi rëndësin e betejës së nisur nga grupi parlamentar PD.

Sipas saj kjo betejë nuk bëhet thjesht për profesionet e lira që janë 30 mijë të tillë, por kundër një sistemi të korruptuar taksimi që favorizon një pakicë ndërsa diskriminon një shumicë që paguan taksat e larta edhe për pakicën.

Tabaku shprehet se një qeveri socialiste që ka ndryshuar 23 herë ligjin e taksave nuk mund të jetë një qeveri që promovon dhe mbështet punën, pasi sipas saj ndryshimet janë kryer për favore të qarta klienteliste; “taksa të cilat e kanë dëmtuar shtresën e mesme dhe kanë qënë një ngarkesë për ato që me ndershmëri e paguajnë taksën” shprehet në videomesazhin e saj Tabaku.

Video e deputetes demokrate vjen pasinjë ditë më parë për mbi 7 orë ajo dhe deputetja Koliqi ishin të pranishëm në Gjykatën Kushtetuese së bashku me avokatin dhe një grupet e interesit por edhe profesionistë të tjerë të lirënë në seancën e hapur për çështjen e profesioneve të lira dhe taksimit të tyre. Tabaku shprehet se vendosja e kësaj takse është diskriminuese dhe jo proporcionale duke rrezikuar sigurinë juridike, lirinë ekonomike dhe barazinë përpara ligjit.

Ajo u shpreh se beteja e Grupit Parlamentar të PD është për punën dhe shtresën e mesme që paguan barrën e rëndë.

 

_Video mesazhi i plotë_ :

Beteja për Profesionet e Lira është një betejë e drejtë! Është një betejë për të mbrojtur punën, për të mbrojtur ata që me ndërshmëri paguajnë taksat. Në 10 vitet e fundit qeveria socialiste ka ndryshuar pothuajse 23 herë ligjin e taksave duke vendosur taksa jo të drejta, jo propocionale, taksa të cilat e kanë dëmtuar shtresën e mesme dhe kanë qënë një ngarkesë për ato që me ndershmëri e paguajnë taksën. Ndërkohë që nga ana tjetër ka lejuar abuzimin, informalitetin dhe ka lejuar ngritjen e një sistemi korrupt, i cili sot rezulton në pothuajse 11.000 biznese të mbyllura vetëm vitin e fundit.

169 Profesionet e Lira, me pothuajse 30.000 profesionistë, janë duke u përballur me këtë taksë anti-kushtetuese dhe të padrejtë. Një taksë e cila i diskriminon ato, i takson ato më shumë se çdo kategori tjetër 30-50%. Kjo është beteja që po bëjmë në emër të Grupit Parlamentar të Partisë Demokratike: Për të mbrojtur punën, për t’i dhënë vlerë punës, për të mbrojtur shtresën e mesme!

Të fundit